لاہور ہائیکورٹ میں زمان پارک میں پولیس آپریشن کےخلاف فواد چوہدری کی دائر کردہ توہین عدالت کیس کی سماعت جسٹس طارق سلیم شیخ کی عدالت میں ہوئی۔ تحریک انصاف کے رہنما فواد چوہدری کے وکیل ظفراقبال منگن عدالت پیش ہوئے۔
انہوں نے اپنے دلائل میں موقف اختیار کیا کہ پولیس اور انتظامیہ نے پی ٹی آئی سے کئے گئے معاہدے کو ثبوتاژکیا۔ پولیس نے عمران خان کی عدم موجودگی میں ان کی رہائش گاہ پر غیر قانونی ایکشن کیا۔ پولیس کےایکشن سے چادر چار دیواری کا تحفظ پامال ہوا۔ پولیس کے غیر قانونی ایکشن سے امن و امان کے مسائل پیدا ہوئے۔ انہوں نے عدالت سے استدعا کی کہ پولیس ایکشن کے ذمہ داروں کے خلاف توہین عدالت کی کاروائی کی جائے۔
عدالت نے سماعت 14 اپریل تک ملتوی کرتے ہوئےوکلاء کو حتمی دلائل کے لیے طلب کرلیا۔
