صوبہ پنجاب میں اسکول کے تدریسی اوقات کے ایک بار پھر تبدیل کر دیے گے۔
پنجاب میں اسکولوں کے تدریسی اوقات تبدیل کر دیئے گے ہیں، اسکولوں کے اوقات میں یہ تبدیلی ماحولیاتی تحفظ ایجنسی پنجاب کی جانب سے عمل میں لائی گئی ہے۔
یہ بھی پڑھیں:پنجاب: پی ایس آر پی اسکولوں میں 5 ہزار نئے کلاس رومز بنانے کی منظوری
نو تبدیل شدہ اوقات کے مطابق اب پنجاب بھر کے تمام سرکاری اور نجی اسکول آج سے صبح سوا 8 سے پہلے کھولنے پر پابندی لگا دی گئی ہے۔
اس حوالے سے ماحولیاتی تحفظ ایجنسی پنجاب کی جانب سے جاری نوٹیفیکیشن کے مطابق آج ( دسمبر4) سے تمام سرکاری اور نجی اسکول 4 دسمبر 2024 ءسے صبح سوا 8 کے بعد کھولنے کے پابند ہوں گے۔
نوٹیفیکیشن کی خلاف ورزی کرنے والے اسکولز کے خلاف قانونی کارروائی عمل میں لائی جائے گی اور خلاف ورزی پر جرمانے اور سزا کا اطلاق بھی ہوگا۔
یہ بھی پڑھیں:پنجاب: موسم سرما میں سرکاری اسکولوں کے اوقات کار تبدیل
اس ضمن میں ڈائریکٹر جنرل ماحولیات عمران حامد شیخ کا کہنا ہے کہ یہ فیصلہ طلبہ اور اساتذہ کی صحت کے تحفظ کے لیے کیا گیا ہے۔
ان کا کہنا ہے کہ یہ فیصلہ ماحولیاتی آلودگی کی روک تھام کے لیے کیے گئے ہیں، اس سے پہلے اسموگ کے باعث صوبے میں تمام اسکولز صبح پونے 9 بجے کھل رہے تھے۔
