موسم گرما انسانی جسم کے لیے بہت سے چیلنجز پیش کر سکتا ہے۔ درجہ حرارت اور نمی میں اضافہ کے باعث پانی کی کمی، تھکن اور ہیٹ اسٹروک سمیت کئی مسائل پیش آ سکتے ہیں، اس لیے متوازن غذا کا استعمال اہم ضرورت ہے۔ تاہم ہمارے پاس آپ کے لیے کچھ آسان گھریلو ٹوٹکے ہیں جو ان مسائل کو بہت آسانی سے حل کر سکتے ہیں۔
لونگ
جب بھی تیزابیت کا مسئلہ ہو تو لونگ کا ایک ٹکڑا لے کر چوس لیں اس میں موجود قدرتی تیل تیزابیت کو کم کرنے میں مدد دے گا۔
دودھ اور کھجور
اگر آپ طویل عرصے سے خشک کھانسی میں مبتلا ہیں تو 6 کھجوریں لیں اور اسے ایک گلاس دودھ میں ہلکی آنچ پر تقریباً 25 منٹ تک ابالیں۔ اس مرکب کو دن میں کم از کم تین بار استعمال کریں اور جادو دیکھیں۔
سیب
یہ بات درست ہے کہ ‘روزانہ ایک سیب ڈاکٹر سے دور رکھتا ہے’ کیونکہ یہ آدھے سر کے درد کو کم کرنے میں مدد کرتا ہے۔ اگر کسی شخص کو آدھے سر کا درد ہو تو اسے چاہیے کہ ایک سیب خالی پیٹ کھا لے۔
ناریل
بہت سے لوگ یہ نہیں جانتے کہ پسے ہوئے ناریل کو چہرے، گردن اور آنکھوں پر لگانے سے یہ بلیک ہیڈز کو دور کرنے میں مدد کرتا ہے۔
تلسی
کسی کو شدید کھانسی ہو تو تلسی کے ساتھ بنایا گیا یہ گھریلو علاج ایک بہترین حل ہے۔ آپ کو بس اتنا کرنا ہے کہ تلسی کا رس برابر مقدار میں لہسن کے رس اور شہد میں ملا دیں۔ جب آپ اس مکسچر کو دن میں تین بار استعمال کریں گے تو یہ کھانسی ختم کرنے میں بے حد مدد کرے گا۔
تربوز
اگر آپ کو گرمیوں میں ناقابل برداشت سر درد رہتا ہے اور آپ کو معلوم نہیں ہے کہ کیا کرنا ہے تو ایک گلاس تربوز کا جوس پی لیں۔ تربوز کا جوس آپ کو ضروری وٹامن فراہم کرتے ہوئے جسم کو ہائیڈریٹ کرنے میں مدد کرے گا۔
