پاکستان اسٹاک ایکسچینج میں 100 انڈیکس کا نئے ریکارڈ بنانے کا سلسلہ جاری ہے۔ بازارِ حصص کا 100 انڈیکس 1 ہزار 161 پوائنٹس کے اضافے سے 1 لاکھ 9 ہزار 400 پر آ گیا۔
اب تک کے کاروبار کے دوران انڈیکس کی نئی بلند ترین سطح 1 لاکھ 9 ہزار 478 رہی ہے۔ گزشتہ روز کاروبار کے اختتام پر انڈیکس 1 لاکھ 8 ہزار 238 پوائنٹس پر بند ہوا تھا۔
مزید پڑھیں: پاکستان اسٹاک ایکسچینج: بلندی کا سفر جاری، 100 انڈیکس نئی سطح پر پہنچ گیا
کاروبار کے دوران انٹر بینک میں امریکی ڈالر 6 پیسے مہنگا ہوا ہے۔ انٹر بینک میں ڈالر 6 پیسے مہنگا ہو کر 278 روپے کا ہوگیا ہے۔ گزشتہ روز کاروبار کے اختتام پر انٹر بینک میں ڈالر 277 روپے 94 پیسے کا تھا۔
