سمندری طوفان اسلا تقریباً 200 میل فی گھنٹہ کی رفتار سے ہواؤں کے ساتھ بحر ہند میں پھیل رہا ہے اور یہ آسٹریلیا کے مغربی ساحل سے ٹکرانے جا رہا ہے۔
غیر ملکی میڈیا رپورٹس کے مطابق آسٹریلیا کا 12 سالوں میں سب سے طاقتور طوفان ہزاروں رہائشیوں کو متاثر کرنے والا ہے۔ ماہرین موسمیات کا کہنا ہے کہ سمندری طوفان اسلا 196 میل فی گھنٹہ کی رفتار سے چلنے والی ہواؤں کے ساتھ آسٹریلیا کے مغربی ساحل سے ٹکرائے گا۔
میڈیا رپورٹس کے مطابق پورے خطے میں ریڈ الرٹ جاری کر دیا گیا ہے جبکہ ہزاروں رہائشیوں کو فوری طور پر کسی محفوظ مقام پر پناہ لینے کا حکم بھی دے دیا گیا ہے۔
آسٹریلیا کے بیورو آف میٹرولوجی (بی او ایم) نے کہا ہے کہ یہ فی الحال بحر ہند میں پھیل رہا ہے اور توقع ہے کہ یہ اپنی تباہ کن سطح کو برقرار رکھے گا اور جمعہ تک پلبارا کے ساحل کو عبور کر لے گا۔
رپورٹس کے مطابق تباہ کن طوفان سے بچاؤ کے لیے خوراک اور ایندھن کا کافی ذخیرہ کیا جا چکا ہے جو کہ سمندری طوفان کی شکل میں ایک ہفتہ تک چل سکے گا۔
میڈیا رپورٹس کے مطابق طوفان کے دوران کمیونٹی کو بجلی کی فراہمی برقرار رکھنا ایک مشکل عمل ہو گا۔
دوسری جانب آسٹریلیا کے فائر اینڈ ایمرجنسی سرورسز کے محکمہ نے بھی خطے کے لیے ریڈ الرٹ جاری کر دیا ہے جبکہ بندرگاہ ہیڈ لینڈ کے بھی تقریباً 15,000 رہائشیوں کو گھروں کے اندر رہنے، دروازوں اور کھڑکیوں سے دور رہنے کا حکم دیا گیا ہے۔
ریڈ الرٹ وارننگ میں کہا گیا ہے کہ جب تک حکام کی طرف سے کوئی حکم نہیں آتا سب کو گھروں کے اندر ہی رہنا ہو گا۔
غیر ملکی میڈیا رپورٹس کے مطابق محکمہ موسمیات نے 400 ملی میٹر (15.7 انچ) تک بارش اور غیر معمولی اونچی لہروں سے بھی خبردار کیا ہے۔
میڈیا رپورٹس کے مطابق بندرگاہ ہیڈ لینڈ میں سامان سے لدے بحری جہازوں کو بھی مبینہ طور پر بندرگاہ سے منتقل کیا جا رہا ہے۔
