بلوچستان کے علاقے قلعہ عبداللہ میں بم دھماکے سے 2 افراد جاں بحق ہوگئے۔
لیویز کے مطابق بلوچستان کے علاقے قلعہ عبداللہ میں میزئی لیویز چوکی کے قریب زوردار بم دھماکہ ہوا، جس کے باعث 2 افراد جاں بحق ہوگئے۔
یہ بھی پڑھیں: قلعہ عبداللہ میں آپریشن: منشیات کے 48 کمپاؤنڈز مسمار، 6 ٹن ایفی ڈرین تلف
ابتدائی تحقیقات کے مطابق بم تخریب کاری کے لیے لے جایا جارہا تھا کہ استعمال سے پہلے ہی پھٹ گیا، واقعہ کے مختلف پہلوؤں پر تحقیقات جاری ہیں۔
دھماکے کے بعد علاقے کو سیکیورٹی فورسز نے گھیرے میں لے کر سخت حفاظتی انتظامات کیے ہیں، دھماکے میں جاں بحق ہونے والے دونوں افراد کی لاشیں انتظامیہ نے اپنی تحویل میں لے لی، شناخت تاحال نہیں ہو سکی۔
یہ بھی پڑھیں: قلعہ عبداللہ : پوست کی کاشت اور منشیات کی اسمگلنگ کیخلاف جرگے کا انعقاد
دھماکے کے بعد عوام میں خوف و ہراس پھیل گیا، انتظامیہ نے جائے وقوعہ سے شواہد اکٹھے کر کے مزید کارروائی شروع کردی ہیں۔
