پاکستان کرکٹ ٹیم کے سابق کپتان شاہد آفریدی نے سابق ڈی جی آئی ایس آئی لیفٹیننٹ جنرل (ر) فیض حمید کو باضابطہ طور پر چارج شیٹ کرنے پر ردعمل کا اظہار کیا ہے۔
شاہد آفریدی کا کہنا ہے کہ آئی ایس پی آر کی پریس ریلیز کے مطابق لیفٹینٹ جنرل فیض حمید کے خلاف فرد جرم عائد کر کےفیلڈ جنرل کورٹ مارشل کی باقاعدہ کارروائی کا آغاز کر دیا گیا ہے۔ اس سے کارروائی موجودہ قیادت کے خود احتسابی کے بیانیے کو مزید تقویت حاصل ہو گی اور اس تاثر کو زائل کیا جا سکے گا کہ طاقتور احتساب سے بالاترہے۔
آئی ایس پی آر کی پریس ریلیز کے مطابق لیفٹینٹ جنرل فیض حمید کے خلاف فرد جرم عائد کر کےفیلڈ جنرل کورٹ مارشل کی باقاعدہ کاروائی کا آغاز کر دیا گیا ہے ۔ اس سے کاروائی موجودہ قیادت کے خود احتسابی کے بیانیے کو مزید تقویت حاصل ہو گی اور اس تاثر کو زائل کیا جا سکے کا کہ طاقتور احتساب…
— Shahid Afridi (@SAfridiOfficial) December 10, 2024
شاہد آفریدی کے سیاسی بیان پر صارفین نے انہیں آڑے ہاتھوں لیا، صارفین کے مطابق شاہد آفریدی بھی وزیراعظم بننے کے لیے سیاسی بیانات دے رہےہیں، ایک صارف نے ان کے بیان پر ردعمل دیتے ہوئے لکھا کہ کوئی شاہد آفریدی کو بتائے وزیراعظم بننے کے لیے ڈگری چاہیے ہوتی ہےاور خود احتسابی تب ہو گی جب سابق آرمی چیف جنرل قمر جاوید باجوہ کو بھی ان کے جرائم کی سزاملےگی۔
کوئی شاہد آفریدی کو بتائے کہ وزیراعظم بننے کے لئے ڈگری چاہیے ہوتی ہے، یہ فضول میں اپنے منہ پر بوٹ پالش مل رہا ہے۔
اور 'خود احتسابی' تب ہو گی جب باجوہ کو اس کے جرائم کی سزا ملے گی۔
یہ عسکری چورن نہیں بکے گا۔
— Nemesis (@Refutationist) December 10, 2024
علی سلمان علوی لکھتے ہیں کہ ٹاؤٹوں کے کلب میں پرانی بھرتی نئی پیکنگ میں پیشِ خدمت ہے۔
ٹاؤٹوں کے کلب میں پرانی بھرتی نئی پیکنگ میں پیشِ خدمت ہے۔ https://t.co/cgMfDaWN7P
— Ali Salman Alvi (@alisalmanalvi) December 10, 2024
محمد عاطف لکھتے ہیں کہ مجھے معلوم نہیں تھا کہ شاہد آفریدی اتنی عمدہ اردو لکھ سکتے ہیں کیونکہ وہ بولنے میں ایسی لغت استعمال نہیں کرتے۔
مجھے معلوم نہیں تھا کہ شاہد آفریدی اتنی عمدہ اردو لکھ سکتے ہیں۔ بولنے میں ایسی لغت استعمال نہیں کرتے۔ https://t.co/LKIK7rlaJH
— Muhammad Atif (@AtifVOA) December 10, 2024
ایک ایکس صارف نے لکھا کہ میں دعوے سے کہتا ہوں یہ ٹویٹ شاہد آفریدی نے خود نہیں لکھا، انہوں نے شاہد آفریدی کو مخاطب کرتے ہوئے کہا کہ آپ اپنے پاکستان اور دبئی میں پھیلے کاروبار پر توجہ دیں یہ آپ کا کام نہیں۔
میں دعوے سے کہتا ہوں یہ ٹویٹ انہوں نے خود نہیں لکھا!! آپ اپنے پاکستان اور دبئی میں پھیلے کاروبار پر توجہ دیں۔ یہ آپ کا کام نہیں۔ https://t.co/CesLj7iLns
— Suleman Shah Rashdi (@RashdiSuleman) December 10, 2024
خیال رہے کہ فیلڈ جنرل کورٹ مارشل کا سامنا کرنے والے پاک فوج کے لیفٹیننٹ جنرل (ر) فیض حمید کو باضابطہ طور پر چارج شیٹ کیا گیاہے۔
آئی ایس پی آر اعلامیے کے مطابق چارج شیٹ چارجز میں سیاسی سرگرمیوں میں ملوث ہونا، آفیشل سکریٹ ایکٹ کی خلاف ورزیاں کرتے ہُوئے ریاست کے تحفظ اور مفاد کو نقصان پہنچانا، اختیارات اور سرکاری وسائل کا غلط استعمال اور افراد کو ناجائز نقصان پہنچانا 9 مئی سے جڑے واقعات بھی شامل تفتیش ہیں۔
