وفاقی وزیر خزانہ محمد اورنگزیب کی سربراہی میں پاکستانی وفد نے دورہ امریکا کے دوران واشنگٹن میں امریکی ہم منصب اور امریکی تجارتی نمائندے سے ملاقات کی۔
وزراتِ خزانہ کی جانب سے جاری اعلامیے کے مطابق وزیر خزانہ کی سربراہی میں پاکستانی وفد نے سیکریٹری کامرس ہاورڈ لٹنک اور امریکی تجارت کے نمائندے جیمیسن گریئر کے ساتھ مثبت ماحول میں ملاقات کی۔
یہ بھی پڑھیے: وزیر خزانہ محمد اورنگزیب عالمی مالیاتی کانفرنس میں شرکت کے لیے اسپین روانہ
اس موقع پر وزیر خزانہ محمد اورنگزیب نے کہا کہ امریکا پاکستان کا سب سے بڑا تجارتی شراکت دار ہے اور پاکستان ٹیکنالوجی، آئی ٹی، معدنیات اور زراعت جیسے اہم شعبوں میں تعلقات کو فروغ اور وسعت دینے کے لیے پرعزم ہے۔
اعلامیے کے مطابق ملاقات میں دونوں فریقین نے تجارت اور معاشی تعلقات کو مزید وسعت دینے اور معاشی شعبے میں تعلقات کو مضبوط بنانے کے لیے تمام ممکنہ راستوں کو تلاش کرنے کے عزم کا اظہار کیا۔
