پاکستان شوبز انڈسٹری کی مقبول اداکارہ اور ٹی وی میزبان جویریہ سعود کا کہنا ہے کہ وہ معاوضہ لے کر انٹرویو دینا پسند کریں گی۔
حال ہی میں فوٹو اینڈ ویڈیو شیئرنگ ایپ انسٹاگرام پر انہوں نے اپنے پیغام میں کہا کہ لوگ ان سے پوڈ کاسٹ اور انٹرویوز دینے کے بارے میں پوچھتے ہیں تو ان کے لیے یہی جواب ہے کہ وہ مفت انٹرویوز دینے کے بجائے اپنے خاندان کے ساتھ وقت گزارنے اور اسکرپٹ لکھنے کو ترجیح دیتی ہیں۔
مزید پڑھیں: سعود بالی ووڈ اسٹار ورن دھون سے مشہور اداکار ؟ جویریہ سعود کا انکشاف
ان کا مزید کہنا تھا کہ تمام تخلیق کار اپنے مواد کو مونیٹائز کرتے ہیں، اس لیے وہ انٹرویو دینے کے لیے معاوضہ لینا چاہیں گی اور اسی صورت میں انٹرویوز دیں گی جب انہیں اس کا معاوضہ دیا جائےگا۔ انہوں نے مزید کہا کہ وہ اپنے یوٹیوب چینل پر مداحوں سے بات کرتی ہیں اور ان کے سوالوں کے جواب دیتی ہیں۔
View this post on Instagram
مداحوں نے جویریہ سعود کے اس فیصلے کو سراہتے ہوئے کہا کہ یہ بہت اچھا فیصلہ ہے لیکن وہ انہیں پوڈ کاسٹ اور انٹرویوز میں دیکھنا چاہتے ہیں۔ جبکہ کئی صارفین کا کہنا تھا کہ وہ ان کے مشہور ڈرامے ’بےبی باجی کی بہوئیں‘ کا سیزن 3 دیکھنا چاہتےہیں۔
