ایس آئی ایف سی کی سہولتکاری سے ملک میں سرمایہ کاری کے فروغ کے لیے حکومتی کاوشیں تیز ہوگئی ہیں۔
خصوصی سرمایہ کاری سہولت کونسل (ایس آئی ایف سی) کی ایگزیکٹو کمیٹی کے 11ویں اجلاس میں معاشی پیشرفت سمیت اہم منصوبوں اور شعبوں کی پیشرفت کا تفصیلی جائزہ لیا گیا۔
یہ بھی پڑھیں: آرمی چیف نے تاجر برادری کو ایس آئی ایف سی کے ساتھ مل کر کام کرنے کی دعوت دیدی
وزیر منصوبہ بندی و خصوصی اقدامات احسن اقبال کی زیر صدارت اجلاس میں دیگر متعلقہ وفاقی وزرا، وفاقی سیکریٹریز، صوبائی چیف سیکریٹریز، اور اعلیٰ حکومتی عہدیداران نے شرکت کی
ایس آئی ایف سی کی ایگزیکٹو کمیٹی کے 11ویں اجلاس میں معاشی پیشرفت کا جائزہ, اہم منصوبوں اور شعبوں کی پیشرفت کا تفصیلی جائزہ,وزیر منصوبہ بندی و خصوصی اقدامات کی زیر صدارت متعلقہ وفاقی وزراء، وفاقی سیکرٹریز، صوبائی چیف سیکرٹریز، اور اعلیٰ حکومتی عہدیداران کی شرکت pic.twitter.com/nQuxYTq6qT
— WE News (@WENewsPk) December 11, 2024
اجلاس میں کمیٹی کا عالمی کنسلٹنٹس کے ذریعے وزارتوں اور محکموں کو فراہم کی جانے والی مشاورتی معاونت کی پیشرفت کا جائزہ لیا گیا۔
یہ بھی پڑھیں: چین کے اعلیٰ سطح کے وفد کا ایس آئی ایف سی کا دورہ، سرمایہ کاری میں دلچسپی کا اظہار
دوست ممالک کے ساتھ کیے گئے وعدوں کی تکمیل اور سرمایہ کاری کے فرو غ کے لیے منصوبے بھی اجلاس میں پیش کیے گئے، وفاقی وزیر برائے منصوبہ بندی نے تمام متعلقہ وزارتوں کو پیشرفت تیز کرنے کی ہدایت کی، جبکہ متعلقہ شعبوں کے امور پر اتفاق رائے اور نئی حکمت عملی مرتب کی گئی۔
