شام کے باغی رہنما ابو محمد الجولانی نے واضح کیا ہے کہ وہ ملک میں ٹیکنوکریٹس کی عبوری حکومت بنائیں گے جو مارچ 2025 تک کام کرے گی۔
ابو محمد الجولانی نے کہا ہے کہ وہ بشارالاسد کی حکومت کی سیکیورٹی فورسز کو تحلیل کر کے بدنام زمانہ جیلوں کو بھی بند کردیں گے۔
یہ بھی پڑھیں: شام: باغی گروپ کا جنگی جرائم میں ملوث فوجی حکام کیخلاف کارروائی کا اعلان
انہوں نے کہا کہ کیمیائی ہتھیاروں کے ممکنہ ڈپو کو محفوظ بنانے کے لیے بین الاقوامی تنظیموں کے ساتھ رابطے میں ہیں۔
شام میں باغی گروپ کی جانب سے نامزد کردہ عبوری حکومت کے وزیراعظم محمد البشیر نے بھی ایک انٹرویو میں تصدیق کی ہے کہ حیات شام التحریر کے سربراہ نے انہیں آئندہ برس مارچ تک حکومت کی باگ دوڑ سنبھالنے کا ٹاسک دیا ہے۔
یہ بھی پڑھیں: کیا روس شام میں اپنے فوجی اڈوں کو چھوڑ رہا ہے؟
واضح رہے کہ باغی گروپ حیات تحریر الشام کے کمانڈر احمد الشرع المعروف ابو محمد الجولانی نے بشار الاسد کے دور حکومت میں وزیراعظم رہنے والے محمد الجلالی سے ملاقات کی ہے اور ان کے ساتھ انتقال اقتدار کے امور پر بھی تبادلہ خیال کیا ہے۔ میڈیا رپورٹس کے مطابق، محمد الجلالی نے حیات التحریر الشام کے کمانڈر کو آگاہ کیا ہے کہ اقتدار کی منتقلی میں کئی روز لگ سکتے ہیں۔
