ناصر ادیب ایک مشہور پاکستانی مصنف اور فلمز کے اسکرپٹ رائٹر ہیں، جنہوں نے متعدد مشہور فلمیں لکھیں جن میں جنگل کا قانون، جرنیل سنگھ، شیر خان، ٹھاکر، دشمن، سلسلہ، قلندر، مولا جٹ اور دی لیجنڈ آف مولا جٹ شامل ہیں۔
سلطان راہی اور مصطفی قریشی کی اداکاری والی ان کی فلم مولا جٹ نے انہیں پاکستانی فلم انڈسٹری کا لازوال ستارہ بنا دیا۔
یہ بھی پڑھیں: جاوید شیخ اور میرا لڑکیوں سے دوستی کرنے کا مقابلہ رہتا تھا، سید نور
حال ہی میں ناصر ادیب سنو ٹی وی پر پوڈ کاسٹ کی وجہ سے مقبولیت حاصل کررہے ہیں جس میں وہ پاکستانی فلمی اداکاروں کے بارے میں حقائق سامنے لاتے ہیں۔
ایک حالیہ پوڈ کاسٹ میں ناصر ادیب نے بتایا کہ کس طرح جاوید شیخ نے سابق فلمی اداکارہ نیلی کو دھوکہ دیا، ناصر ادیب نے کہا کہ جاوید شیخ کا سلمیٰ آغا سے بریک اپ ہو گیا تھا، ان کا دل ٹوٹ گیا جس کے بعد وہ نیلی کے قریب ہوگئے، اس نے انہیں تسلی دی، لیکن جاوید شیخ ایک دلکش آدمی تھے جنہوں نے خود کو نہیں بدلا۔
انہوں نے مزید کہا کہ نیلی نے جاوید شیخ کے لیے حقیقی جذبات پیدا کیے جو ان کی سب سے بڑی غلطی تھی۔ بالآخر ان کا بریک اپ ہوگیا کیونکہ نیلی اس سے شادی کرنا چاہتی تھی اور جاوید شیخ شادی کرنے میں سنجیدہ نہیں تھے۔
یہ بھی پڑھیں: اردو ادب کی اہم صنف داستان گوئی قصہ پارینہ کیوں؟
ناصر ادیب نے بتایا کہ جاوید شیخ سے بریک اپ کے بعد میں نے انہیں کبھی جاوید شیخ کے بارے میں برا کہتے نہیں دیکھا، وہ ایک مضبوط خاتون تھیں جنہوں نے اپنے ٹوٹنے پر کبھی افسوس نہیں کیا لیکن انہوں نے دوبارہ پیار نہیں کیا اور وہ اپنی زندگی میں احسن طریقے سے آگے بڑھ گئیں۔
