پاک چائنا ٹیکنیکل اینڈ ووکیشنل انسٹیٹیوٹ گوادر کے اساتذہ کرام اور طلبا وطالبات کا جنرل آفیسر کمانڈنگ گوادر ڈویژن کے ساتھ خصوصی نشست کا انعقاد ہوا، جنرل آفیسر کمانڈنگ تقریب کے مہمان خصوصی تھے۔
سیشن کے دوران شرکا کو تفصیلی بریفنگ دی گئی اور بلوچستان کے حالات کے بارے میں بھی آگاہ کیا گیا۔ طلبا اور فیکلٹی ممبران نے عسکری قیادت سے سوالات کیے۔ مہمان خصوصی نے یونیورسٹی آف گوادر اور پاک چین انسٹیٹیوٹ کو بلوچستان میں تعلیمی انقلاب کے راہ میں کلیدی کردار ادا کرنے پر بھرپور ستائش کی۔
مزید پڑھیں: گوادر میں روایتی طریقہ سے نمک سازی کیسے ہوتی ہے؟
پاک چائنا ٹیکنیکل اینڈ ووکیشنل انسٹی ٹیوٹ CPEC کی مدد سے 10 ملین ڈالر کی گرانٹ سے قائم کیا گیا ہے جس کا مقصد مقامی نوجوانوں کو پیشہ ورانہ تربیت کے ذریعے با اختیار بنانا ہے۔ شانڈونگ انسٹی ٹیوٹ آف کامرس اینڈ ٹیکنالوجی (SICT) سے منسلک یہ ادارہ مقامی نوجوانوں کو میری ٹائم، ای کامرس اور سافٹ ویئر کے مفت کورسز اور ڈپلوما پروگرام فراہم کرتا ہے۔
مہمان خصوصی نے طلبا سے قومی یگانگت اور ترقی میں اپنا مثبت کردار ادا کرنے پر زور دیتے ہوئے کہا کہ صرف تعلیم یافتہ نوجوان ہی ملک کی ترقی کی اصل طاقت ہیں، اور بلوچستان کے نوجوان بے حد باصلاحیت اور محنتی ہیں۔
تقریب کے اختتام پر طلبا اور اساتذہ نے گوادر میں پاک فوج کی کاوشوں کو سراہا اور ان کا شکریہ ادا کیا۔
