وزیراعلیٰ علی امین گنڈا پور کا کہنا تھا کہ ہم ڈی چوک میں جاں بحق افراد کی قربانی کو رائیگاں نہیں جانے دیں گے، جب تک حقیقی آزادی حاصل نہیں کرتے اس وقت تک ہماری تحریک جاری رہے گی۔
یہ بھی پڑھیں:علی امین گنڈاپور اور بشریٰ بی بی کے وارنٹ گرفتاری جاری
پشاور میں تقریب سے متعلق اپنے ویڈیو پیغام میں وزیراعلیٰ خیبر پختونخوا علی امین گنڈا پور نے کہا ہے کہ ہمارے 12 شہید اور 100 سے زائد زخمی ہیں،گولی کیوں چلائی اور کس کے حکم پر چلائی؟ حکومت کو جواب دینا پڑے گا۔
علی امین گنڈا پور نے کہا کہ حکومت روزانہ ڈرامہ بازی کررہی ہے، میڈیا بھی دباؤکی وجہ سے اس معاملے کو کوریج نہیں دے رہا، میں واضح پیغام دے رہا ہوں گولی کیوں چلائی اس کا جواب حکومت کو دینا پڑے گا۔
انہوں نے کہا اکہ ہمارے لوگوں پر ریاست نے گولیاں برسائیں اور شہید کیا گیا، انہیں خراج تحسین پیش کریں گے، سب لوگوں کو 15 دسمبر کو باغ ناران حیات آباد اجتماع میں شرکت کرنی ہے، یہ آپ کی آزادی کے لیے جان پیش کرنے والے شہدا ہیں اور شہدائے حقیقی آزادی ہیں۔
وزیراعلیٰ علی امین گنڈا پور نے کہا کہ حکومت کو پیغام دیتا ہوں کہ ہمارے بہت سے لوگ لاپتا ہیں، ہمیں خدشہ ہے کہ ہمارے لاپتا افراد میں بہت سے لوگوں کو شہید کیا گیا ہے اس حوالے سے ہمارے تحفظات اور خدشات دور کیے جائیں۔
15 ستمبر تعزیتی جلسے کے حوالے سے وزیراعلی کے پی کے علی امین گنڈاپور کا بیان۔ pic.twitter.com/808v9CoOLh
— Qamar Maken (@QamarMakenViews) December 13, 2024
وزیراعلی نے کہا کہ ہم اس کا جواب بھی مانگیں گے اور آپ کو جواب دینا پڑیگا، یہ جو مداری میڈیا پر بٹھائے گئے ہیں اور جو کہہ رہے ہیں کہ گولی نہیں چلائی،جو ہمارے 12 تصدیق شدہ شہدا ہیں اس کے علاوہ جو 100 سے زائد زخمی ہیں جبکہ مزید کی تصدیق ہو رہی ہے ہم چھوڑیں گے نہیں آپ کو جواب دینا پڑے گا۔
انہوں نے کہا کہ نے کہا کہ فوج ہماری ہے اور فوج کو یہاں رہنا ہے فوج کو عوام کی حفاظت کرنی ہے، ہمیں بھی عوام میں رہنا ہے اور فوج میں جو لوگ بھرتی ہوتی ہیں وہ بھی ہم میں سے ہیں، یہ مطلب پرست سیاست دان یہ اس وقت کو فوج اور عوام کو آپس میں لڑانے کی سازش کر رہی ہے اور ہمیں ان کی سازش کامیاب ہونے نہیں دینی۔
وزیراعلیٰ نے کہا کہ واضح پیغام ہے کہ جو صوبوں میں نفرت پھیلانے کی سازش شروع کی گئی ہے یہ سازش بھی ناکام ہو چکی ہے، اپنی کرسی اور لوٹی ہوئی رقم کو چھپانے کیلئے آپ لوگوں نے پہلے بھی ملک کو توڑا ہے اور ابھی پھر جو سازش کررہے ہیں اور نفرتیں پیدا کررہے ہیں، آپ کی دلچسپی لوٹی ہوئی رقم کو تحفظ دینے میں ہے اور ملک سے نکل جانا ہے مگر ہمیں پاکستان میں رہنا ہے۔
گنڈاپور کا کہنا تھا کہ یہ ایک سازش ہے اور سازشی لوگ ہیں، ان لوگوں نے اس ملک میں نہیں رہنا، یہ اس ملک میں اپنے پیسے بچانے کیلئے بیٹھے ہوئے ہیں ، ہماری عوام کو غلام کرنے کیلئے بیٹھے ہوئے ہیں، نہ ہم غلام تھے اور نہ غلام ہیں اور نہ غلام رہیں گے، ہم نے اس سازش کو بے نقاب کرنا ہے اور جواب دینا پڑے گا کہ گولی کیوں چلائی تھی اور آپ کے تکبر کے بت کو توڑیں گے بھی۔
وزیراعلیٰ کا مزید کہنا تھا کہ آپ تیار رہے اس کیلئے اس مداری پن سے آپ اپنی جان نہیں چھڑا سکتے ہم سے ہماری تحریک جاری ہے ہم اپنا حق لے کر بھی اور چھین کر لیں گے، دیکھتے ہیں کس میں کتنی طاقت ہے کہ عوام کو حق نہیں دیتا۔
