گورنر سندھ کامران ٹیسوری نے سینیٹر فیصل واوڈا پر تنقید کرتے ہوئے کہا ہے کہ جس یونیورسٹی سے وہ ڈاکٹر بنے ہیں وہیں سے میں نے بھی پی ایچ ڈی کی ہے۔
یہ بھی پڑھیں:لفٹ میں پھنسنے والا بچہ جان کی بازی ہار گیا، گورنر سندھ نے تحقیقات کا حکم دیدیا
گورنر سندھ کامران ٹیسوری نے یہ بات سینیٹر فیصل واوڈا کی جانب سے گورنر کی تبدیلی سے متعلق بیان کے ردعمل میں کہی ہے۔
گورنر سندھ کا کہنا ہے کہ سینیٹر فیصل واوڈا اچھے اور جذباتی کھلاڑی ہیں لیکن وہ کبھی کبھی بھول جاتے ہیں کہ کس سائیڈ سے کھیل رہے ہیں، گول گیپر کبھی کبھی اپنے ہی گول میں گیند پھینک دیتا ہے۔
کامران ٹیسوری کا کہنا تھا کہ جب سے آیا ہوں، جانے کی باتیں ہورہی ہے لیکن جو آنا چاہتا ہے وہ نہیں آ پا رہا۔
ان کا مزید کہنا تھا کہ بچپن سے ٹرک کے پیچھے لکھا دیکھا کہ محنت کر حسد نہ کر۔
واضح رہے کہ گزشتہ دنوں فیصل واوڈا نے نام لیے بغیر کہا تھا کہ ایک صوبے کا گورنر تبدیل ہونے والا ہے۔
