پاکستان کی وزارت مذہبی امور نے حج درخواستوں کی وصولی بند کرنے کا اعلان کرتے ہوئے کہا ہے کہ 17 دسمبرتک ’پہلے آئیے پہلے پائیے‘ کی بنیاد پر ملنے والی درخواستیں کامیاب تصورکی جائیں گی۔
یہ بھی پڑھیں:آج حج درخواستوں کی وصولی کا آخری دن
پیر کو ترجمان وزارت مذہبی امور کی جانب سے جاری بیان میں کہا گیا ہے کہ وزارت کی جانب سے مزید حج درخواستیں وصول نہیں کی جائیں گی تاہم منگل 17 دسمبر کو بینکوں میں حج درخواستوں کی وصولی کا آخری دن ہو گا۔
مزید پڑھیں: حج درخواستیں وصول کرنے کی آخری میں تاریخ میں کتنی توسیع کی گئی ہے؟
وزارت سے جاری بیان کے مطابق 17 دسمبر تک موصول تمام درخواستیں ’پہلے آئیے پہلے پائیے‘ کے اصول پر کامیاب تصور کی جائیں گی۔
وزارت نے حج واجبات کی دوسری قسط 19 تا 27 دسمبرکو نامزد بینکوں میں جمع کروانے کا عندیہ بھی دے دیا ہے، عازمین حج کو ہدایت کی ہے کہ نئے اعلانات کے لیے موبائل ایپ ’پاک حج ‘ اپنے سمارٹ فون پرلازمی ڈاؤن لوڈ کر لیں تاکہ انہیں فوری رہنمائی اور آگاہی میسرآ سکے۔
دوسری جانب نامزد بینکوں کو ہدایات جاری کی گئی ہیں کہ تمام موصول درخواستوں کو وزارت کے آن لائن پورٹل پر 17 دسمبر کی صبح 9 بجے تک لازمی اپ لوڈ کردیں، بصورت دیگروزارت نامکمل درخواستوں کی ذمہ دارنہیں ہو گی۔
یہ بھی پڑھیں: حج 2025: درخواستوں کے لیے بینک ہفتہ اور اتوار کو بھی کھلے رہیں گے
ترجمان نے کہا کہ واجبات کی دوسری قسط جمع کروانے کے بعد دستیاب خالی نشستوں پرمحدود دنوں کے لیے درخواستیں طلب کرنے کا اعلان کیا جا سکتا ہے۔
