پاکستان میں گزشتہ چند مہینوں سے صارفین سست انٹرنیٹ، ایکس اور واٹس ایپ استعمال کرنے میں مسائل کے حوالے سے شکایت کرتے نظر آ رہے ہیں۔ ان کا کہنا ہے کہ ایکس وی پی این کے بغیر کام نہیں کرتا جبکہ واٹس ایپ کے ذریعے اگر کوئی تصویر کا آڈیو پیغام بھیجنے کی کوشش کریں تو وہ اگلے صارف تک پہنچتا ہی نہیں اور اگر پہنچ جائے تو ڈاؤن لوڈ نہیں ہوتا۔
صارفین انٹرنیٹ کی رفتار کے بارے میں حکومت سے سوال کرتے اور تنقید کرتے نظر آتے ہیں۔ پاکستان پیپلز پارٹی کے رکن قومی اسمبلی قادر پٹیل نے بھی قومی اسمبلی میں انٹرنیٹ کی بندش اور رفتار کے حوالے سے سوالات اٹھائے اور کہاکہ وزیر مملکت برائے انفارمیشن ٹیکنالوجی شزہ فاطمہ خواجہ بتائیں کہ ملک میں انٹرنیٹ کا ستیاناس کیوں کر دیا گیا ہے، انہوں نے کہا کہ نہ ایکس چلتا ہے نہ کوئی تصویر ڈاؤن لوڈ ہوتی ہے اور نہ ہی کوئی وائس نوٹ۔ یہ کون سی فائروال لگائی جا رہی ہے جو ابھی تک لگی ہی نہیں۔ اتنی بدحالی کبھی کسی وزارت کی نہیں دیکھی جتنی اب ہے۔
انہوں نے کہاکہ جن لوگوں کے کاروبار انٹرنیٹ سے منسلک ہیں ان کا اربوں کا نقصان ہورہا ہے اور طلبا کی پڑھائی متاثر ہورہی ہے۔ ان کا حکومت کو مزید کہنا تھا کہ آپ کو جو کرنا ہے وہ کام اب مکمل کرلیں، وہ نہیں چاہتے کہ اس کا ذمہ دار وزیراعظم کو قرار دیں یا لیڈر آف ہاؤس تک بات جائے۔ انہوں نے سوال کیاکہ انٹرنیٹ فل اسپیڈ سے چلنا کب شروع ہوگا؟ حکومت اس کا جواب دے۔
وزیر آئی ٹی بتا دیں انٹرنیٹ کا ستیا ناس کیوں کر دیا ہے، نہ کوئی تصویر کھلتی ہے، نہ ویڈیو ، پی پی رکن قومی اسمبلی قادر پٹیل..!! pic.twitter.com/Q5XZGeKN26
— Salman Durrani (@DurraniViews) December 18, 2024
پاکستان میں انٹرنیٹ کی سست رفتار پر تبصرہ کرتے ہوئے ایک ایکس صارف نے کہا کہ اس بارے میں وزیر مملکت برائے انفارمیشن ٹیکنالوجی شزہ فاطمہ بھی نہیں جانتیں کہ انٹرنیٹ کاستیاناس کیوں کیا ہے۔
Even Minister IT Shiza don’t know the reasons. https://t.co/fiz2YeSBM3
— AbdulWaheedPirzada (@WaheedPirzada) December 18, 2024
سلمان درانی نے پارلیمانی سیکریٹری آئی ٹی ساجد مہدی کی ویڈیو شیئر کی جس میں ان کا کہنا تھا کہ پاکستان میں سیکیورٹی مسائل چل رہے ہیں، وزارتِ داخلہ محسن نقوی کی ایڈوائس پر انٹرنیٹ بند کرتی ہے، وہ بہتر جانتے ہیں کہ حالات کب ٹھیک ہوں گے جب وہ کہیں گے ہم اسے کھول دیں گے۔
پاکستان میں سیکیورٹی مسائل چل رہے ہیں، وزارتِ داخلہ محسن نقوی کی ایڈوائس پر انٹرنیٹ بند کرتے ہیں، وہ بہتر جانتے ہیں کہ حالات کب ٹھیک ہوں گے۔ پارلیمانی سیکرٹری آئی ٹی ساجد مہدی..!!! pic.twitter.com/2ucCeoQ7FI
— Salman Durrani (@DurraniViews) December 18, 2024
ایک ایکس صارف نے کہا کہ بھارت عالمی اعزاز اپنے نام کر رہا ہے اور یہاں پاکستان میں انٹرنیٹ کی سست رفتار پر واویلا مچا ہواہے۔
بھارت میں عالمی اعزاز، یہاں انٹرنیٹ کی سست رفتار پر واویلا۔
— Anaya Rahman (@Anaya_Rahman_) December 17, 2024
پاکستان تحریک انصاف (پی ٹی آئی) کے رہنما اور سابق وفاقی وزیر چوہدری مونس الٰہی نے کہا کہ غیر اعلانیہ انٹرنیٹ بندش کے پیچھے حکومت کا اپنا ہاتھ ہے حکومتی نمائندہ قومی اسمبلی میں مان گیا۔ حکمران اپنے ہاتھوں سے اربوں ڈالرز کی آئی ٹی انڈسٹری کا گلا گھونٹ رہے ہیں، قوم سے اس سے بڑی دشمنی اور کیا ہوگی۔
غیر اعلانیہ انٹرنیٹ بندش کے پیچھے حکومت کا اپنا ہاتھ، حکومتی نمائندہ قومی اسمبلی میں مان گیا۔ حکمران اپنے ہاتھوں سے اربوں ڈالرز کی IT انڈسٹری کا گلا گھونٹ رہے ہیں۔ قوم سے اس سے بڑی دشمنی کیا ہو گی؟ #InternetSlowdown
— Moonis Elahi (@MoonisElahi6) December 17, 2024
وزیر مملکت برائے انفارمیشن ٹیکنالوجی شزہ فاطمہ خواجہ نے اس حوالے سے بات کرتے ہوئے قومی اسمبلی میں کہا ہے کہ میرے ہاتھ میں کوئی بٹن نہیں کہ انٹرنیٹ بند کردوں، سیکیورٹی سے متعلقہ کچھ مسائل کا سامنا ہے، سیکیورٹی کے لیے انٹرنیٹ بند ہوا لیکن لینڈ لائن بالکل بھی بند نہیں کیا۔
