سیکیورٹی فورسز نے صوبہ خیبرپختونخوا میں مختلف کارروائیوں کے دوران فتنہ الخوارج سے تعلق رکھنے والے 11 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خیبرپختونخوا کے ضلع ٹانک میں دہشتگردوں کی موجودگی کی اطلاع پر آپریشن کیا، اور 7 دہشتگردوں کو ہلاک کردیا۔
یہ بھی پڑھیں پشین اور ژوب میں آپریشن، 2 خوارجی ہلاک 5 گرفتار: آئی ایس پی آر
آئی ایس پی آر کے مطابق دوسری کارروائی شمالی وزیرستان کے علاقے دتہ خیل میں کی گئی جہاں سیکیورٹی فورسز نے فائرنگ کے تبادلے میں 2 دہشتگردوں کو ہلاک کیا۔
فوج کے شعبہ تعلقات عامہ کے مطابق سیکیورٹی فورسز نے ضلع مہمند کے علاقے مامد گٹ میں تیسری کارروائی کرتے ہوئے 2 دہشتگرد ہلاک کیے۔
آئی ایس پی آر نے بتایا کہ ہلاک ہونے والے دہشتگردوں کے قبضے سے اسلحہ اور گولہ بارود برآمد ہوا ہے، یہ دہشتگرد سیکیورٹی فورسز کے ساتھ ساتھ معصوم شہریوں کے خلاف متعدد دہشت گردانہ کارروائیوں میں سرگرم رہے۔
یہ بھی پڑھیں سیکیورٹی فورسز کا مستونگ میں خفیہ آپریشن، 3 دہشتگرد ہلاک، 3 زخمی: آئی ایس پی آر
فوج کے شعبہ تعلقات عامہ کے مطابق آپریشن والے علاقوں میں کسی بھی دہشتگرد کو ہلاک کرنے کے لیے کلیئرنس آپریشنز جاری ہیں، سیکیورٹی فورسز ملک سے دہشت گردی کی لعنت کو ختم کرنے کے لیے پرعزم ہیں۔
