جدید ٹیکنالوجی کے دور میں دنیا بھر مصنوعی ذہانت (اے آئی) کے چرچے ہیں جس کے ذریعے نیا خالص مواد بھی تخلیق کیا جا سکتا ہے اور پہلے سے موجود مواد کو من مرضی کے مطابق ڈھالا بھی جا سکتا ہے، اے آئی کے ذریعے ایسی ہی تبدیلیاں کئی دہائیوں تک فلم بینوں کے دلوں پر راج کرنے والی فلم ’شعلے‘ کے ساتھ کی گئیں جس کی ویڈیو دیکھتے ہی دیکھتے سوشل میڈیا پر وائرل ہوگئی۔
اے آئی سے تخلیق کردہ وائرل کلپ میں دیکھا جا سکتا ہے فلم میں گبرسنگھ، ٹھاکر کے ہاتھ کاٹنے کی بجائے انہیں گلے سے لگا لیتا ہے، فلم میں جس ’ٹھاکر‘ یعنی سنجیو کمار کے ہاتھ کاٹ دیے تھے ان کے ہاتھ واپس آ گئے، بسنتی ڈاکوؤں کے بجائے کتوں کے آگے ناچتی ہے جبکہ جیا بچن جن کے ہاتھ میں ماچس کی تیلی ہے اور وہ لالٹین جلا رہی ہیں اس کی جگہ ان کے ہاتھ میں سگریٹ آ جاتی ہے اور انہیں سگریٹ نوشی کرتے دکھایا گیا ہے۔
Sholay but every frame is cursed 😂😂 pic.twitter.com/EjYlVWbq4g
— Lamist ( he/tler ) (@lamist17) December 19, 2024
یہ ویڈیو سوشل میڈیا پر وائرل ہوئی تو صارفین کی جانب سے اس پر دلچسپ تبصرے کیے گئے۔ ویڈیو پر تبصرہ کرتے ہوئے ایک صارف نے اسے طاقت کا غلط استعمال قرار دیا۔
Shaktiyon ka Galat istmaal… https://t.co/DGQwRi66pb
— Artist 🪶 (@Sunny_1609) December 20, 2024
ایک بھارتی صارف نے لکھا کہ مصنوعی ذہانت (اے آئی) بہت خطرناک ہے۔
AI is very dangerous 🤣 https://t.co/3J6bldaPQg
— देहाती बालक (@saurabh23934844) December 19, 2024
ایک صارف نے مصنوعی ذہانت سے تیار کی گئی ویڈیو کی تعریف کرتے ہوئے کہا کہ یہ اے آئی کی جانب سے شعلے فلم کا بنایا گیا وہ ورژن ہے جسے وہ دیکھنا پسند کریں گے۔
Ai Sholay is one version I would love to have seen! https://t.co/ov8ivDYH8L
— AmerCric 🏏 ✍️ (@Amermalik12) December 19, 2024
واضح رہے کہ 1975 میں 15 اگست کو ریلیز ہونے والی فلم ‘شعلے’ میں امیتابھ بچن، دھرمیندر، جیا بچن، ہیما مالنی، سنجیو کمار اور امجد خان نے مرکزی کردار ادا کیے تھے۔ فلم میں ‘گبر سنگھ’ کا مشہور کردار مرحوم اداکار امجد خان نے ادا کیا تھا، اس کردار سے اُنہیں دُنیا بھر میں خوب شہرت ملی تھی۔
