بابر اعظم کی جانب سے اپنے اعزاز کا دفاع، سال کے اختتام پر مسلسل چوتھی بار عالمی نمبر ون بلے باز کا اعزاز برقرار۔
یہ بھی پڑھیں:بابراعظم نے مہندرسنگھ دھونی کو بھی پیچھے چھوڑ دیا
قومی کرکٹ ٹیم کے مایہ ناز بلے باز بابر اعظم مسلسل چوتھی بار عالمی نمبر ون بلے باز کے طور سال کا اختتام کر رہے ہیں۔
پاکستان کے نمبر ون بلے باز اور سابق کپتان بابراعظم 2021 میں پہلی بار دنیا کے نمبر ون بلے باز کے طور پر سامنے آئے تھے۔ اس کے بعد سے وہ مسلسل اپنے اعزاز کا دفاع کر رہے ہیں۔
Babar Azam is ending the year as the world number one ODI batsman for the fourth consecutive time. #BabarAzam pic.twitter.com/FoO8ZXYtZP
— Sohail Imran (@sohailimrangeo) December 25, 2024
بابراعظم کی اس کامیابی کو گزشتہ سال 2023 میں اس وقت دھچکا لگا تھا، جب کچھ وقت کے لیے بھارتی بلے باز شبمن گِل نے بابر اعظم کو پیچھے چھوڑ دیا تھا، تاہم اسی برس بھارتی بلے باز شبمن گِل کی مسلسل ناقص کارکردگی نے انہیں تنزلی کی طرف دھکیل دیا، نتیجتاً بابر اعظم ایک پھر سے نمبر ون بیتر کے طور پر سامنے آئے تھے۔
یہ بھی پڑھیں:’بابر اعظم کے حق میں ٹوئٹ نہ کرتا تو اچھا تھا‘، فخر زمان نے خاموشی توڑ دی
اب جب کہ رواں برس 2024 رخصت ہونے کو ہے، بابر اعظم اس برس کا اختتام اس طور کر رہے ہیں کہ وہ مسلسل چوتھے برس عالمی نمبر ون بلے باز کے اعزاز کا دفاع کیے ہوئے ہیں۔
