بھارت میں ایک سرکاری افسر نے اپنی بیمار اہلیہ کی دیکھ بھال کے لیے قبل ازوقت ریٹائرمنٹ لی مگر ریٹائرمنٹ کی تقریب میں ہی ان کی اہلیہ چل بسیں۔
بھارتی ریاست راجستھان کے شہر کوٹا میں افسوسناک واقعہ پیش آیا ہے، ایک سرکاری افسر جس کی ریٹائرمنٹ میں کچھ عرصہ ابھی باقی تھا، مگر اس نے اپنی اہلیہ جو کہ بیمار تھی، کی خاطر قبل ازوقت ریٹائرمنٹ کی درخواست دی جو منظور بھی ہوگئی۔
یہ بھی پڑھیں: ہانیہ اسلم، ایک جواں سال فنکارہ کی موت
سرکاری افسر کی ریٹائرمنٹ کے دن کی تقریب کی ایک ویڈیو سوشل میڈیا پر وائرل ہے جس میں دیکھا جاسکتا ہے کہ بیوی اور شوہر کے ساتھ دیگر کولیگز موجود تھے، میاں بیوی کو تقریب کے شرکا نے پھولوں کا ہار پہنایا، اس اس دوران خاتون کی طبیعت بگڑگئی۔
राजस्थान के कोटा जिला में एक भावुक घटना घटित पत्नी की देखभाल के लिए वॉलंटरी रिटायरमेंट लिया, लेकिन रिटायरमेंट का जश्न मनाते हुए पत्नी ने इस दुनिया को अलविदा कह दिया।"
यह प्यार और त्याग की एक दिल छू लेने वाली कहानी है।
अलविदा प्रकृति"!! #Kota pic.twitter.com/tyw0DZGJnc— Banwari Lal – Bairwa (Civil Engineer) (@B_L__VERMA) December 25, 2024
ویڈیو میں دیکھا جاسکتا ہے کہ تقریب کے دوران خاتون کہتی ہیں کہ مجھے چکر آرہے ہیں، ساتھ ہی وہ میز اور اپنے شوہر کو تھام لیتی ہیں، پانی لاؤ، پانی لاؤ کی آوازیں بھی سنی جاسکتی ہیں، اس دوران خاتون وہیں تقریب میں بے ہوش ہوجاتی ہے۔
یہ بھی پڑھیں: دنیا کی معمر ترین خاتون چل بسیں
خاتون کو فوری طور پر اسپتال منتقل کیا گیا جہاں ڈاکٹرز نے انہیں مردہ قرار دے دیا، یوں اپنی اہلیہ کی تیمارداری کی خاطر ریٹائرمنٹ لینے والے سرکاری افسر کو اپنی ریٹائرمنٹ کے دن ہی اپنی بیوی کو ہمیشہ کے لیے الوداع کہنا پڑا۔
