متحدہ عرب امارات میں نئے سال کی آمد کی خوشی میں یکم جنوری کو ملک بھر میں عام تعطیل کا اعلان کردیا گیا۔
یہ بھی پڑھیں: متحدہ عرب امارات جانے والوں کے لیے کیریکٹر سرٹیفیکیٹ کیسے اور کہاں سے بنے گا؟
وفاقی اتھارٹی برائے سرکاری انسانی وسائل نے اپنے ایکس اکاؤنٹ پر اعلان کیا ہے کہ یکم جنوری 2025 کو تمام سرکاری دفاتر بند رہیں گے۔
اعلامیے کے مطابق یکم جنوری کو نجی ادارے بھی بند رہیں گے۔ چھٹی کا دن متحدہ عرب امارات کے سرکاری 2025 تعطیلات کے کیلنڈر کے مطابق ہے جو رواں سال کے شروع میں جاری کیا گیا تھا۔
مزید پڑھیے: متحدہ عرب امارات میں نوکری کی تلاش اب آسان، آئندہ سال کی تنخواہ گائیڈ جاری
شہریوں اور رہائشیوں کے لیے سال کے لیے مجموعی طور پر 13 دن کی عام تعطیلات رکھی گئی ہیں۔
یکم جنوری کو چھٹی کا مقصد اس بات کو یقینی بنانا ہے کہ سرکاری اور نجی شعبے کے ملازمین کو نئے سال کا جشن منانے کا موقع ملے۔
