آسٹریلیا اور بھارت کے درمیان چوتھے ٹیسٹ میچ کے 5 دنوں کے دوران میلبورن کرکٹ گراؤنڈ (ایم سی جی) آسٹریلیا کے دروازوں سے 3 لاکھ 50 ہزار 7 سو سے زائد افراد نے حاضری کا نیا ریکارڈ قائم کیا ہے، جس نے 1937 میں قائم 3 لاکھ 50 ہزار 5 سو 34 شائقین کے ریکارڈ کو پیچھے چھوڑ دیا ہے۔
کرکٹ آسٹریلیا نے تصدیق کی کہ 5ویں دن کے پہلے سیشن کے لیے 51 ہزار 3 سو 71 شائقین پہلے ہی آچکے ہیں اور دوپہر کے بعد مزید شائقین آئے۔ 2024 کے ایم سی جی باکسنگ ڈے ٹیسٹ میں زیادہ لوگوں نے شرکت کی جبکہ جنوری 1937 میں سر ڈونلڈ بریڈمین کی قیادت میں آسٹریلیا اور انگلینڈ کے درمیان اسی مقام پر 6 دن تک ٹیسٹ میچ کھیلا گیا تھا۔
مزید پڑھیں: ڈبلیو ٹی سی رینکنگ: بھارت کا گراف گرگیا، آسٹریلیا پھر سرفہرست
اس ٹیسٹ میچ کے لیے شائقین کی تعداد بالکل غیر معمولی رہی ہے جس میں روزانہ 87,242، 85,147، 83,073، 43,867 اور 51,371 کی گنتی کی گئی ہے۔ میلبورن کرکٹ کلب، جو ایم سی جی کو چلاتا ہے، نے 5ویں دن کی تعداد کو کم سمجھا تھا۔
It’s terrific to see this kind of interest in Test cricket as the build up continues to the #WTCFinal at Lord’s next year – and what a match it’s been at the @MCG!@ICC @BCCI @CricketAus pic.twitter.com/J4vDPb9FW2
— Jay Shah (@JayShah) December 29, 2024
یہ اعداد و شمار 2022 کے ٹی20 ورلڈ کپ کے دوران ایم سی جی میں کرکٹ شائقین کی بڑی تعداد کی نشاندہی کرتے ہیں جب 90,293 افراد نے بھارت کو پاکستان کے خلاف اور 82,507 نے زمبابوے کے خلاف بھارت کو کھیلتے دیکھا تھا۔
