ایڈیلیڈ میں آسٹریلیا کے خلاف بارڈر گاوسکر ٹرافی ٹیسٹ میں بھاری شکست کے بعد بھارت ورلڈ ٹیسٹ چیمپیئن شپ (ڈبلیو ٹی سی) پوائنٹس ٹیبل پر تیسرے نمبر پر چلا گیا۔
یہ بھی پڑھیں: ٹیسٹ کھلاڑیوں کی نئی رینکنگ جاری، بابر اعظم اور شاہین شاہ کی تنزلی، کوہلی کو 6 درجے ترقی مل گئی
اتوار کو ہونے والے بھارت کو آسٹریلیا کے ہاتھوں 10 وکٹوں سے شکست ہوگئی جس کے ساتھ ہی ڈبلیو ٹی سی 2023-25 پوائنٹس ٹیبل پر اس کی پوزیشن ٹاپ سے گر کر تیسرے نمبر پر آگئی۔
اس شکست نے بھارت کے پوائنٹس فیصد کو 61.11 سے گھٹا کر 57.29 کر دیا۔ جس کے بعد ٹیسٹ کرکٹ میں آسٹریلیا ایک بار پھر پہلے نمبر پر آگیا جبکہ جنوبی افریقہ نے تیسری پوزیشن حاصل کرلی۔
آسٹریلیا کی جاری سائیکل کی نویں جیت نے اس کے پوائنٹس 57.69 سے 60.71 تک پہنچادیے۔ دوسرے نمبر پر موجود جنوبی افریقہ کے 59.26 پوائنٹس ہیں تاہم اگر وہ سری لنکا کے خلاف دوسرا ٹیسٹ جیتتا ہے تو وہ آسٹریلیا کو پیچھے چھوڑ سکتا ہے۔
مزید پڑھیں: آئی سی سی ٹیسٹ رینکنگ جاری، بابر اعظم کی تنزلی، محمد رضوان کی ترقی
بھارت ڈبلیو ٹی سی فائنل میں پہنچنے کے لیے اب اپنے باقی 3 کھیلوں میں ایک اور ہار کا متحمل نہیں ہو سکتا۔ آسٹریلیا میں تینوں میچ جیت کر بھارت کے کل 64.03 پوائنٹس ہوجائیں گے۔
بھارت اور آسٹریلیا کے درمیان تیسرا ٹیسٹ 14 سے 18 دسمبر تک برسبین (گابا) میں کھیلا جائے گا۔
