وفاقی وزیر اطلاعات عطا اللہ تارڑ نے کہا ہے کہ وزیر اعظم شہباز شریف آج ہوم گرون اکنامک ایجنڈے کا اعلان کرنے جارہے ہیں۔ ہوم گرون اکنامک ایجنڈا ’میڈ ان پاکستان‘ معاشی اصلاحات کا ایجنڈا ہے۔ ملک ڈیفالٹ سے استحکام کی طرف آیا اور اب استحکام سے ترقی کی جانب بڑھ رہا ہے۔
وفاقی وزیر اطلاعات نے ہوم گرون نیشنل اکنامک پلان 2024-29کے حوالے سے اپنے بیان میں کہا کہ الحمدللہ پاکستان کے تمام معاشی اشاریے بہتر ہوئے ہیں۔ ہوم گرون ایجنڈا ایک اہم اقدام ہے۔
مزید پڑھیں: گھریلو صارفین کو گیس کی فراہمی حکومت کی اولین ترجیح ہے، وزیراعظم شہباز شریف
ان کا کہنا تھا کہ ہوم گرون ایجنڈے کے تحت معاشی ترقی کا سفر طے کیا جائے گا، پاکستان کے عوام کو خوشخبریاں ملیں گی۔ معاشی اصلاحات کا ایجنڈا پاکستان اور پاکستان کے عوام کی ترقی کے لیے ہے۔
