چیئرمین پاکستان تحریک انصاف عمران خان نے کہا ہے کہ ہمارے سوشل میڈیا کے کارکنوں کو مسلسل اغواء کیا جارہا ہے جس کی مذمت کرتے ہیں۔
سماجی رابطے کی ویب سائٹ ٹوئٹر پر اپنے بیان میں عمران خان کا کہنا تھا کہ ہمارے سوشل میڈیا کارکن وقاص امجد کو بھی اٹھا لیا گیا ہے اور ایسے لگتا ہے کہ جیسے ملک میں جنگل کا قانون ہے۔
سابق وزیراعظم نے کہا کہ ہمارے کارکنوں کو اٹھانے کے احکامات ایک اعلیٰ اتھارٹی کی طرف سے آتے ہیں جو تمام قوانین سے بالا تر ہے۔ ہمارے لوگوں کو اغواء کرنے کے بعد ایف آئی آر درج کی جاتی ہیں۔
Strongly condemn the continuing abductions of our social media activists, latest being Waqas Amjad. In "Humara Pak" today there is total law of the jungle. Orders come from a "higher authority" that seems above all laws & abductions are done first, then sham FIRs registered. pic.twitter.com/On5Qk1amg3
— Imran Khan (@ImranKhanPTI) April 16, 2023
ان کا کہنا تھا کہ زمان پارک میں کھانا فراہم کرنے والوں کو بھی اٹھایا جا رہا ہے اور دہشت زدہ کیا جا رہا ہے۔
چیئرمین پی ٹی آئی نے کہا کہ ہمیں مین اسٹریم میڈیا سے بلیک آؤٹ کر دیا گیا ہے اور اب سوشل میڈیا کو نشانہ بنایا جا رہا ہے۔
انہوں نے دعویٰ کیا کہ افواہ یہ ہے کہ موٹر ویز کے ساتھ کیبل نیٹ ورکس کو انٹرنیٹ کی رفتار کم کرنے کے لیے چھیڑ چھاڑ کی جا رہی ہے۔
