وفاقی وزیر برائے توانائی اویس لغاری نے کہا ہے کہ آئی ایم ایف سے کیپٹو پاور پلانٹس پر بات چیت جاری ہے، خواہش ہے کہ بجلی کی قیمت 50 روپے فی یونٹ کم ہو جائے۔
یہ بھی پڑھیں: وزیراعظم نے سستی بجلی کے لیے ریفارمز کا بڑا پیکیج منظور کرلیا، احسن اقبال
قومی اسمبلی کی قائمہ کمیٹی برائے توانائی کے اجلاس میں وفاقی وزیر اویس لغاری نے بریفنگ میں بتایا کہ بگاس کے 8 پلانٹس کا جائزہ لیا جائے گا، اس کے علاوہ مزید 16 پاور پلانٹس پر نظرثانی بھی کرنے جارہے ہیں، آئی ایم ایف کے ساتھ کیپٹو پاور پلانٹس پربات چیت کر رہے ہیں اور معاملہ اختتام کی جانب بڑھ رہا ہے۔
وفاقی وزیر نے کہا کہ خواہش ہے کہ بجلی کا ریٹ 50 روپے کم ہو جائے، جلی کی قیمت 10 سے 12 روپے فی یونٹ کم کرسکتے ہیں، اس ماہ کے آخر تک کیپٹو پلانٹس کا معاملہ حل ہوجائے گا، گھریلو صارفین کے لیے بجلی 4 روپے تک سستی کی گئی ہے۔
یہ بھی پڑھیں: بجلی کی قیمت کم کر دی، کوشش ہے ہر سال 6 ماہ کے لیے ایسا پیکج لے کر آئیں، اویس لغاری
انہوں نے کہا کہ الیکٹرک کا آئندہ 5 سے 7 سال میں 500 ارب روپےمنافع مانگا جا رہا ہے، ہمارے خیال میں یہ ناجائز ہے، اس سے خیبر پختونخواہ کا صارف بھی متاثر ہوگا۔
