پاکستان انٹرنیشنل ایئرلائنز (پی آئی اے) نے یورپی یونین کی جانب سے ایئر لائن پرعائد پابندیاں ہٹائے جانے کے بعد اسلام آباد اور پیرس کے درمیان فلائٹ آپریشن دوبارہ شروع کر دیا ہے۔
قومی ایئرلائن نے جمعہ کو سماجی رابطوں کی سائٹ ایکس پر ایک پوسٹ میں بتایا کہ اسلام آباد اور پیرس کے درمیان پروازیں 10 جنوری 2025 سے بحال کی جا رہی ہیں اور ایک تصویر کے ساتھ اعلان کیا کہ ’پیرس ہم آج آ رہے ہیں‘۔
— PIA (@Official_PIA) January 10, 2025
پاکستان انٹرنیشنل ایئرلائنز کی جانب سے پوسٹ کی گئی تصویر میں پی آئی اے کا جہاز دکھایا گیا ہے جو ایفل ٹاور کے بالکل سامنے ہے جس پر صارفین کی جانب سے تنقیدی تبصرے کیے جا رہے ہیں کہ اس اشتہار بنانے والے کو نکال دینا چاہیے کیونکہ اس نے بالکل غلط تصویر کشی کی ہے جیسے جہاز ابھی ایفل ٹاور سے ٹکرا جائے گا۔
پی آئی اے کی اس اشتہاری مہم پر تبصرہ کرتے ہوئے سابق وفاقی وزیر مونس الہیٰ نے کہا کہ کون بے وقوف لوگ اس طرح کا شِٹ شو چلا رہے ہیں۔
What kind of idiots are running this shit show??? https://t.co/EMUUXHiyEQ
— Moonis Elahi (@MoonisElahi6) January 10, 2025
ایک صارف نے پی آئی اے کے جہاز کی ٹوئن ٹاورز کے ساتھ تصویر شیئر کرتے ہوئے لکھا کہ ایسا لگتا ہے کہ پی آئی اے نے اس ٹرینڈ کو واپس لانے کا فیصلہ کیا ہے۔
یاد رہے کہ اس سے پہلے بھی پی آئی اے کی جانب سے 1979 میں ایک ایسا اشتہار بنایا گیا تھا جس میں جہاز نیویارک کے ٹوئن ٹاورز سے ٹکراتا ہوا محسوس ہو رہا تھا جس کے کئی سال بعد امریکی جہاز اصل میں ٹوئن ٹاورز سے ٹکرا گئے تھے۔
seems like PIA has decided to bring back this trend https://t.co/BHpAmLlUTH pic.twitter.com/OnF6dB9uw1
— saad (@gloriousunrise) January 10, 2025
حنا خان نے اشتہاری مہم پر تبصرہ کرتے ہوئے لکھا کہ لگتا ہے کہ گرافک ڈیزائنر پی آئی اے پر دوبارہ پابندی لگوانے والا ہے۔
Graphic designer is gonna get them banned again 😭😭😭 https://t.co/LhIxMNUeO4
— Hina Khan (@cesthinakhan) January 10, 2025
سحرش مان لکھتی ہیں کہ یہ نائن الیون ٹائپ آئیڈیا بے کمال لوگوں کا ہی ہو سکتا ہے۔
یہ نائن الیون ٹائپ آئیڈیا بے کمال لوگوں کا ہی ہو سکتا ہے https://t.co/zmdFRlV1Gg
— Sehrish Maan (@SMunirMaan) January 10, 2025
زیادہ تر صارفین سوال کرتے نظر آئے کہ آخر اس اشتہار کا ڈیزائنر کون ہے جبکہ کئی صارفین کا کہنا تھا کہ اس اشتہار کی بدولت پی آئی اے پر دوبارہ پابندی عائد کر دی جائے گی۔
