گلگت میں واقع انگریز دور کا قبرستان برطانوی راج کی ایک اہم یادگار ہے، جو آج بھی بہتر حالت میں محفوظ ہے۔
یہ تاریخی قبرستان اُن انگریز افسران، سپاہیوں، اور دیگر افراد کی آخری آرام گاہ ہے جو برٹش ایمپائر کے دوران اس خطے میں مختلف خدمات انجام دیتے ہوئے انتقال کرگئے اور پھر یہیں دفن ہوئے۔
یہ بھی پڑھیں: گلگت بلتستان میں واقع قدیم آثار، خطے کے شاندار ماضی کے آئینہ دار
اس قبرستان میں موجود قبریں برطانوی دور کی یاد دلاتی ہیں۔ اس قبرستان کی دیکھ بھال برسوں سے ایک ہی خاندان کر رہا ہے۔
یہ قبرستان نہ صرف تاریخی اہمیت رکھتا ہے، بلکہ اس علاقے کی برطانوی دور کی تاریخ سمجھنے کا بھی ایک اہم ذریعہ بھی ہے۔ یہاں موجود قبریں اس بات کی عکاسی کرتی ہیں کہ برطانوی دور میں کون کون سے ایجنٹ اور افسران یہاں خدمات سرانجام دیتے رہے۔
یہ جگہ اُن سیاحوں اور اُن افراد کے لیے خاص کشش رکھتی ہے جو تاریخ میں دلچسپی رکھتے اور انگریزی دور کی باقیات کو قریب سے دیکھنا چاہتے ہیں۔
