آئندہ 24 گھنٹوں میں ملک کے کن حصوں میں بارش اور برف باری ہوگی؟

منگل 28 جنوری 2025
icon-facebook icon-twitter icon-whatsapp

محکمہ موسمیات نے اگلے 24 گھنٹوں میں ملک کے بیشتر حصوں میں موسم سرد جبکہ کچھ علاقوں میں برف باری کی پیش گوئی ہے۔

محمکہ موسمیات کے مطابق آئندہ 24 گھنٹوں میں اسلام آباد اور گردونواح میں موسم سرد اور خشک رہنے کا امکان ہے۔

خیبرپختونخوا کے بالائی اضلاع میں موسم شدید سرد رہنے کی جبکہ دیر، چترال، کوہستان، مانسہرہ، بٹگرام، شانگلہ، بونیر، سوات اور کالام میں بارش کی پیش گوئی کی گئی ہے۔ خیبرپختونخوا کے ضلع کرم، کوہاٹ اور مردان میں برف باری کا بھی امکان ظاہر کیا گیا ہے۔

پنجاب کے بیشتر اضلاع میں موسم خشک اور سرد رہنے کا امکان ہے جبکہ مری اور گلیات میں برف باری ہوسکتی ہے۔

یہ بھی پڑھیے:موسمیاتی بحران: 2025 گلیشیئرز کے تحفظ کا سال قرار

آئندہ 24 گھنٹوں میں سندھ میں موسم خشک اور سرد رہنے کی پیش گوئی کی گئی ہے۔

بلوچستان میں موسم عمومی طور پر سرد جبکہ شمالی اضلاع میں شدید سرد رہے گا جبکہ کوئٹہ، قلعہ عبداللہ، قلعہ سیف اللہ، پشین، ژوب اور زیارت میں ہلکی بارش اور برف باری کا امکان ہے۔

کشمیر اور گلگت بلتستان میں بارش اور برف باری کی پیش گوئی کی گئی ہے جبکہ رات کو مطلع ابرآلود رہے گا۔

آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں

icon-facebook icon-twitter icon-whatsapp