پاکستان اور نیوزی لینڈ کے درمیان پانچویں اور آخری ٹی 20 انٹرنیشنل میچ کی آمدنی ترکیہ اور شام کے زلزلہ متاثرین کے لیے عطیہ کی جائے گی۔
پاکستان کرکٹ بورڈ کی پریس ریلیز کے مطابق میچ 24 اپریل کو پنڈی کرکٹ اسٹیڈیم میں کھیلا جائے گا جس کا ٹکٹ شائقین آن لائن pcb.bookme.pk کے ذریعے خرید سکتے ہیں۔
ترکیہ اور شام کا سرحدی علاقہ 6 فروری کو آنے والے مہلک ترین زلزلوں میں سے ایک سے لرز اٹھا تھا جس میں ہزاروں جانیں گئیں اور صحت کی سہولیات سمیت ضروری بنیادی ڈھانچہ تباہ ہو گیا تھا۔
اس سلسلے میں پاکستان کرکٹ بورڈ پنجاب حکومت کے ساتھ مل کر سرحد کے دونوں جانب سے متاثرہ لاکھوں افراد کے لیے عطیات جمع کرنے میں کردار ادا کرے گا۔ پاکستان کی جانب سے یادگاری ٹوپیاں پہنی جائیں گی تاکہ اس مشکل لمحے سے گزرنے والے دونوں برادر ممالک ترکیہ و شام کے ساتھ پاکستان کی لازوال یکجہتی کا اظہار کیا جا سکے۔
پریس رلیز کا کہنا ہے کہ جو شائقین میچ میں شرکت نہیں کر سکتے وہ بھی اس مقصد کے لیے اپنا کردار ادا کرتے ہوئے عطیات دے سکتے ہیں۔
عطیات درج ذیل پتے پر بھیجے جا سکتے ہیں۔
بینک کا نام: نیشنل بینک آف پاکستان
اکاؤنٹ کا عنوان: پاکستان کرکٹ بورڈ
اکاؤنٹ نمبر: 2081003169856007
IBAN نمبر: PK71NBPA2081003169856007