ڈیلٹا ایئر لائنز کی منی ایپلس سے ٹورنٹو جانے والا جہاز پیر کو ٹورنٹو پیئرسن انٹرنیشنل ایئرپورٹ پر لینڈ کرنے کی کوشش کے دوران تباہ ہوگیا تھا۔ مذکورہ جیٹ طیارہ الٹ جانے کے بعد کریش ہوا تاہم اس میں سوار تمام 80 افراد بچ گئے تھے۔
زخمی ہونے والے سواروں میں سے 21 زخمی ہوگئے تھے جنہیں اسپتال لے جایا گیا تاہم ان میں سے زیادہ تر کو منگل کی صبح تک ڈسچارج کردیا گیا۔
یہ بھی پڑھیں: کینیڈا میں مسافر طیارہ لینڈنگ کے دوران الٹ گیا، متعدد مسافر زخمی
یہ حادثہ ہوا بازی کے حالیہ سانحات کا ایک تسلسل ہے جس میں واشنگٹن ڈی سی کے قریب اور فلاڈیلفیا میں ہوئے حادثات شامل ہیں۔ دونوں حادثات میں بالترتیب 67 اور 6 افراد ہلاک ہوئے تھے۔
فوٹیجز اور عینی شاہدین کے مطابق جب طیارہ لینڈ ہوا تو بظاہر اس کی رن وے سے ٹکر ہوئی اور یہ کچھ فاصلے تک پھسلتا ہوا آگے گیا جس کے بعد یہ الٹ گیا۔
The plane that crashed in Toronto was a Delta flight operated by Endeavor Air, a small airline obsessed with all-female "unmanned" flights pic.twitter.com/pYMS3kdpQy
— End Wokeness (@EndWokeness) February 19, 2025
سیٹلائٹ تصویر میں آخری ریکارڈڈ پوزیشن کے مطابق طیارہ پھسلنے کے بعد ٹورنٹو پیئرسن انٹرنیشنل ایئرپورٹ پر الٹا پڑا تھا۔ فوٹیج میں دیکھا جا سکتا ہے کہ لینڈنگ کے ساتھ ہی طیارے میں آگ لگ گئی تھی اور فائر فائٹرز فوراً اسے بجھانے کے لیے مقام پر پہنچ گئے تھے۔
مزید پڑھیے: امریکا میں لاپتہ جہاز کا ملبہ منجمد سمندر سے مل گیا، 10 افراد ہلاک
پائلٹ کی جانب سے لینڈنگ سے پہلے معمول کے مطابق کی جانے والی منوورنگ بھی نہیں کی گئی جس کے تحت جہاز کے اگلے حصے کو ٹچ ڈاؤن سے پہلے اوپر کھینچنا ہوتا ہے تاکہ پروں کو زیادہ ہوا کے خلاف مزاحمت کا سامنا ہو جس سے ہوائی جہاز کی رفتار سست ہوجاتی ہے اور ہموار لینڈنگ میں مدد ملتی ہے۔
مذکورہ حادثے کے بعد پائلٹ کی قابلیت پر سوال اٹھاتے ہوئے سوشل میڈیا پر ایک بحث چھڑگئی ہے جس میں الزام عائد کیا گیا ہے کہ کمپنی نسلی یا صنفی کوٹے کو قابلیت پر ترجیح دیتی ہے۔
The left is trying to blame this #planecrash on Trump. 😂
A brilliant Delta Airlines pilot was hit by 70mph winds and yet he saved the lives of everyone on board.
Miraculously, only 8 people were injured in Toronto.pic.twitter.com/kFvfQnJje6
— JackReacher (@DCjusticeseeker) February 18, 2025
ان اطلاعات پر کہ مذکورہ طیارے میں تمام خواتین عملہ شامل تھا ناقدین نے ڈیلٹا پر نسل اور جنسی ترجیحات کو میرٹ پر ترجیح دینے کا الزام لگاتے ہوئے ایئرلائن پر کڑی تنقید کی۔
اگرچہ کسی سرکاری بیان میں پائلٹ کی شناخت نہیں کی گئی ہے لیکن آن لائن بات چیت میں قیاس آرائیاں جاری ہیں۔
مزید پڑھیں: واشنگٹن طیارہ حادثہ: پاکستانی نژاد اسریٰ حسین کی آخری لمحات میں شوہر سے کیا بات ہوئی؟
تاہم ڈیلٹا کا کہنا ہے کہ پائلٹس رکھتے وقت محض تعلیم یا علمی نسب پر توجہ مرکوز نہیں کی جاتی بلکہ امیدوار کی مہارت، پس منظر اور تجربہ بھی مد نظر رکھا جاتا ہے۔
ایئر لائن نے مزید کہا ہے کہ اس کا مقصد نمائندگی کے فرق کو ختم کرنا اور ایک زیادہ مساوی افرادی قوت کو یقینی بنانا ہے۔
