رمضان میں جہاں مسلمان روزہ رکھتے ہیں اور عبادت کرکے اللہ سے اپنے گناہوں کی مغفرت طلب کرتے ہیں، وہیں ہر صاحب حیثیت مسلمان اپنی استطاعت کے مطابق زیادہ سے زیادہ روزہ داروں کو افطار کرانے کی کوشش کرتا ہے۔
رمضان کا مہینہ شروع ہوتے ہی سحری اور افطاری کا بھی زورشور سے اہتمام کیا جاتا ہے۔ مخیرافراد کی جانب سے اکثر مقامات پر دسترخوان لگائے جاتے ہیں جہاں کوئی بھی شخص مفت افطار ڈنر کھا سکتا ہے۔ یہ عوامی دسترخوان شاہراہوں، سڑکوں، عوامی مقامات، بس اسٹاپس پر لگائے جاتے ہیں جہاں رضا کار مفت افطار تقسیم کرتے ہیں۔ پاکستان کے مختلف علاقوں میں رمضان کے پورے ماہ کے دوران باقاعدگی کے ساتھ ہر روز دسترخوان سجتا ہے۔
یہ بھی پڑھیں: ماہ رمضان کی بڑھتی مہنگائی میں 800 روپے فی کلو میں بڑا گوشت کہاں دستیاب ہے؟
ایسے ہی ایک افطاری کا اہتمام اسلام آباد کی شاہ فیصل مسجد میں کیا گیا جہاں افطاری کے دوران بدترین بد نظمی دیکھنے میں آئی۔ شہری کھانے پر عیجب و غریب انداز میں ٹوٹ پڑے۔ اس کی ویڈیو دیکھتے ہی دیکھتے سوشل میڈیا پر وائرل ہو گئی جس پر صارفین کی جانب سے مختلف تبصرے کیے گئے۔
فیصل خان لکھتے ہیں کہ یہ کوئی دوڑنے کا مقابلہ نہیں ہے بلکہ فیصل مسجد میں لوگ افطاری پر ٹوٹ پڑے ہیں۔
یہ کوئی دوڑنے کا مقابلہ نہیں بلکہ فیصل مسجد میں لوگ افطاری پر ٹوٹ پڑے 😅 pic.twitter.com/aS5eCCNu97
— Faisal Khan (@KaliwalYam) March 10, 2025
ساجد عثمانی نے ویڈیو شیئر کرتے ہوئے لکھا کہ ہماری قوم کی سوچ اور رویے کا اندازہ اس ویڈیو سے لگایا جا سکتا ہے کہ ہم بطور قوم کتنے ترقی یافتہ ہیں۔
https://Twitter.com/SajidFb/status/1899092812789854681
وزیر دفاع خواجہ محمد آصف نے ویڈیو شیئر کرتے ہوئے لکھا کہ روزے کی تعلیمات کا جز صبر بھی ہے۔ جو ہماری قومی شناخت کا بھی جز نہیں۔ دولت کی بے صبری رزق کی بے صبری اقتدار کی بے صبری۔ اللہ پہ کامل ایمان ہو تو صبر آپ کے تشخص کا حصہ بن جاتا ہے۔
https://Twitter.com/KhawajaMAsif/status/1899174791640489986
ایک صارف نے سوال کیا کہ آپ کے خیال میں یہ ہمارا تہذیبی رویہ ہے یا غربت بڑھ گئی ہے اور لوگ بھوکے ہیں۔ انہوں نے کہا کہ روزے کی حالت میں ایسی افراتفری اور لالچ کیوں ہے؟
https://Twitter.com/RShahzaddk/status/1899067776842559983
مظہر نامی صارف نے لکھا کہ یہ ہے وہ روزہ جو ہمیں صبر جمیل سکھاتا ہے؟
https://Twitter.com/Mazhar_Dhariwal/status/1899062611695501592
