وی نیوز کے پروگرام ’نیک لوگ‘ میں ہارون الرشید نے بات کرتے ہوئے کہا کہ راولپنڈی آئی ڈوبر آرگنائزیشن (RIDO) کے تحت آنکھ، دانت اور گردوں کے مریضوں کو مفت اور رعایتی فیسز میں لوگو کا علاج کیا جاتا ہے۔
ہماری آرگنائزیشن کے تحت پاکستان میں 3 بڑے میڈیکل ہسپتال چل رہے ہیں، پنجاب میں ڈائلیسز کا سب سے بڑا ہسپتال ریڈو کے تحت چل رہا ہے۔ ہماری آرگنائزیشن کو 49 سال ہوگئے ہیں، ہمارے یہاں 100 روپے فیس لی جاتی، اس کے علاوہ ہمارے یہاں آنکھوں کے 50 ہزار روپے والا علاج صرف 15 ہزار روپے کیا جاتا ہے۔
شروع میں یہ آرگنائزیشن صرف آنکھوں کے علاج کے لیے قائم کی گئی، مگر ساتھ ساتھ یہ سلسلہ بڑھتا گیا۔ گزشتہ سال ہمارا بجٹ 22 کڑور روپے تھا۔
