رمضان المبارک میں جہاں ہر طرف شہری بڑھتی مہنگائی کا رونا روتے دکھائی دیتے ہیں وہیں پشاور کے علاقے سعید آباد میں خدا ترسی کی ایک مثال قائم کردی گئی ہے۔
وہاں کے چند مخیر افراد نے ایسا تندور قائم کیا ہے جہاں غریبوں اور ضرورتمندوں کو روٹی 10 روپے میں مل جاتی ہے اور یوں رمضان میں لوگ خوش بھی ہیں اور دعائیں بھی دے رہے ہوتے ہیں۔
یہ بھی پڑھیں: پشاور کا وہ رمضان دسترخوان جس کے لیے بھارت سے بھی صدقات آتے ہیں
سستی روٹی دینے والے کہتے ہیں کہ ان کے تندور پر روزانہ 4 سے 5 ہزار روٹیاں بک جاتی ہیں۔ یہ شام 4 بجے سے شام 6 بجے تک بنائی جاتی ہیں۔
یہ مخیر حضرات رمضان المبارک کے دوران پشاور میں ایسے 3 تندور چلاتے ہیں۔
