پاکستان اسٹاک مارکیٹ تاریخ کی نئی بلند ترین 100 انڈکس 1258 پوائنٹس کے اضافے کے 1 لاکھ 19 ہزار 32 کی سطح پر پہنچ گئی ہے۔ گزشتہ روز کاروباری دن کا اختتام 100 انڈیکس 972 پوائنٹس اضافے سے 1 لاکھ 17 ہزار 974 پر ہوا تھا۔
وزیراعظم محمد شہباز شریف نے پاکستان اسٹاک ایکسچینج کے تاریخ میں پہلی بار ایک لاکھ 19 ہزار پوائنٹس کی حد عبور کرنے پر اظہار اطمینان کرتے ہوئے کہا ہے کہ پاکستان اسٹاک ایکسچنج میں کاروبار کی مثبت سمت حکومت کی معاشی پالیسیوں پر تاجروں اور سرمایہ کاروں کے بڑھتے ہوئے اعتماد کا اظہار ہے۔
مزید پڑھیں: پاکستان اسٹاک مارکیٹ میں تیزی کی وجوہات کیا رہیں؟
وزیراعظم نے کہا کہ بہتر ہوتے معاشی اعشاریے اور کاروباری ماحول پچھلے ایک سال کے دوران حکومت کی معاشی پالیسیوں کی وجہ سے ممکن ہوا۔ حکومت ملک میں کاروبار اور سرمایہ کاری کے لیے مثبت ماحول کی فراہمی کے حوالے سے ترجیحی بنیادوں پر تمام تر سہولیات فراہم کر رہی ہے۔
اسٹاک مارکیٹ ماہر شہریار بٹ کا کہنا ہے کہ پاکستان اسٹاک ایکسچینج گزشتہ 5 سیشن سے مثبت کارکردگی دیکھا رہی ہے 3800 پوائنٹس کا اضافہ ہوچکا ہے اور انڈکس ایک بار پھر تیزی سے اپنے ریکارڈ بلندی کی طرف بڑھ رہا ہے۔
مزید پڑھیں: پاکستان اسٹاک ایکسچینج میں کاروباری ہفتے کا مثبت آغاز، 1206 پوائنٹس کا اضافہ
انکا کہنا ہے کہ آج مارکیٹ کا آغاز مثبت انداز میں ہوا اور ایک وقت میں نفسیاتی حد 1 لاکھ 18 ہزار کو چھو لیا تھا جس کے بعد مارکیٹ ریڈ زون میں داخل ہوئی اور 1 لاکھ 16 ہزار تک پہنچی اس مقام سے مارکیٹ نے پھر سر اٹھایا اور 972 پوائنٹس کے ساتھ کاروباری دن کا اختتام 1 لاکھ 17 ہزار 974 پوائنٹس پر ہوا۔
شہریار بٹ کے مطابق مسلسل مارکیٹ میں اضافہ دیکھنے میں آرہا ہے، تیزی کی وجہ یہ رہی کہ آئی ٹی کی برآمدات میں 18 فیصد اضافہ ہو گیا ہے، کرنٹ اکاونٹ سرپلس میں نظر آرہا ہے۔ پراپرٹی سیکٹر میں بہتری دیکھائی دے رہی ہے سب سے بڑھ کر یہ کہ وزیراعظم پاکستان 23 مارچ کو بجلی کی نرخوں میں بڑا ریلیف دینے جا رہے ہیں۔
مزید پڑھیں: پاکستان اسٹاک ایکسچینج میں کاروبار کا منفی دن
ان کا کہنا تھا کہ آئی ایم ایف کے ساتھ مذاکرات آگے بڑھنا بھی ایک وجہ ہے اور موسمیاتی تبدیلی کے حوالے سے بھی ممکن ہے کہ کچھ اداروں کی جانب سے فنڈز پاکستان کو مل جائیں یہ وہ عوامل ہیں جو پاکستان اسٹاک مارکیٹ پر مثبت اثرات مرتب کر رہے ہیں اور امید ظاہر کی جارہی ہے کہ کل مارکیٹ نیا ریکارڈ بنا سکتی ہے۔
محسن مسیڈیا کے مطابق ہم گزشتہ کچھ عرصے سے اس بات کا ذکر کر رہے ہیں کہ مارکیٹ بہتر ہے اور بہتر پرفارم کرتے دیکھائی دے رہی ہے۔ مارکیٹ میں کوئی نگیویٹی یا سیلنگ پریشر نہیں ہے، انکا کہنا تھا کہ مارکیٹ ایک لاکھ دس سے ایک لاکھ 15 پوائینٹس کے بیچ پھنسی ہوئی تھی اور بل آخر آج بڑا اضافہ دیکھنے کو ملا۔
مزید پڑھیں: نئے سال کے پہلے روز پاکستان اسٹاک ایکسچینج میں نیا ریکارڈ قائم
انکا کہنا کہ مارکیٹ کی کارکردگی کو دیکھ کر یہ کہا جا سکتا ہے کہ مارکیٹ نیا ریکارڈ قائم کرسکتی ہے۔ وزیراعظم پاکستان کا دورہ سعودی عرب اور سعودی حکومت کے پاکستان سے متعلق مثبت بیانات اور آئی ایم ایف مذاکرات کی کامیابی اسٹاک مارکیٹ میں بہتری کی وجہ ہے۔
