وزیراعلیٰ خیبرپختونخوا علی امین گنڈاپور نے کہا ہے کہ نیشنل سیکیورٹی کمیٹی کی میٹنگ میں لا اینڈ آرڈر کی صورت حال پر بات ہوئی۔
اڈیالہ جیل میں عمران خان سے ملاقات کے بعد میڈیا سے گفتگو کرتے ہوئے انہوں نے کہاکہ میں نے نیشنل سیکیورٹی کمیٹی کی میٹنگ میں اپنے ان کارکنوں کا معاملہ اٹھایا جو فوج کی تحویل میں ہیں۔
یہ بھی پڑھیں بطور وزیراعلیٰ علی امین گنڈاپور کا مستقبل کیا؟ بانی پی ٹی آئی نے واضح اعلان کردیا
علی امین گنڈاپور نے کہاکہ میں نے یہ نکتہ اٹھایا کہ جو لوگ 9 مئی کو فوجی عمارتوں میں داخل ہوئے وہ غیرمسلح تھے، اس لیے ان کا ملٹری ٹرائل نہیں ہو سکتا انہیں رہا کیا جائے۔
انہوں نے کہاکہ عمران خان جیل میں اپنے مؤقف پر ڈٹے ہوئے ہیں، ان کی باڈی لینگویج بھی ویسی ہی ہے، کوئی تبدیلی نہیں آئی۔
وزیراعلیٰ نے کہاکہ میں نے کمیٹی میں یہ معاملہ بھی اٹھایا کہ اگر ہمارے لوگوں کو بانی پی ٹی آئی سے ملاقات کرنے دی جاتی تو ہم یہاں بحیثیت پارٹی شریک ہوتے۔
یہ بھی پڑھیں عمران خان میرے سیاسی رول ماڈل، عظیم انسان بننے کے لیے انسانیت کا خیال رکھنا ضروری ہے، علی امین گنڈاپور
انہوں نے مزید کہاکہ کسی بھی معاملے کو انا کا مسئلہ نہیں بنانا چاہیے، اگر ماضی میں ہم سے کوئی غلطیاں ہوئی ہیں تو انہیں سدھارنا چاہیے۔
