پاکستان سپر لیگ (پی ایس ایل) کے ساتویں میچ میں اسلام آباد یونائیٹڈ نے ملتان سلطانز کو 47 رنز سے شکست دے دی ہے۔
یہ بھی پڑھیں اسٹیڈیم جا کر پی ایس ایل کے میچز دیکھیں اور پائیں قیمتی انعامات، پی سی بی کا بڑا اعلان
راولپنڈی کرکٹ اسٹیڈیم میں کھیلے گئے پی ایس ایل 10 کے ساتویں میچ میں ملتان سلطانز کے کپتان محمد رضوان نے ٹاس جیت کر اسلام آباد یونائیٹڈ کو بیٹنگ کرنے کی دعوت دی، بارش کے باعث ٹاس تاخیر کا شکار ہوا لیکن اوورز میں کٹوتی نہیں کی گئی۔
اسلام آباد یونائیٹڈ نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 202 رنز بنائے، جواب میں ملتان سلطانز کی پوری ٹیم 18.4 اورز میں 155 رنز پر ڈھیر ہوگئی۔
اسلام آباد یونائیٹڈ کے بیٹر صاحبزادہ فرحان 53 رنز بنا کر نمایاں اسکورر رہے، اس کے علاوہ کولن منرو 48، حیدر علی 33، کپتان شاداب خان 14، آندرے گوس 9 اور اعظم خان نے 4 رنز بنائے۔
اس کے علاوہ جیسن ہولڈر نے 32 رنز کی تیز ترین اننگز کھیلی، جبکہ نسیم شاہ نے ایک رنز بنایا۔
ملتان سلطانز کی جانب سے کرس جورڈن نے 2 کھلاڑیوں کو آؤٹ کیا، جبکہ ڈیوڈ ولی، اسامہ میر، عبید شاہ اور محمد حسنین نے ایک ایک وکٹ حاصل کی۔
اسلام آباد یونائیٹڈ اسکواڈ
اسلام آباد یونائیٹڈ کی جانب سے کپتان شاداب خان ہیں، جبکہ دیگر کھلاڑیوں میں آندرے گوس، صاحبزادہ فرحان، کولن منرو، حیدر علی، اعظم خان (وکٹ کیپر)، جیسن ہولڈر، محمد شہزاد، عماد وسیم، نسیم شاہ اور رائلے میریڈتھ شامل ہیں۔
یہ بھی پڑھیں پی ایس ایل: بائننس اور اسلام آباد یونائیٹڈ کی پارٹنرشپ کا اعلان
ملتان سلطانز اسکواڈ
ملتان سلطانز کی ٹیم محمد رضوان (کپتان، وکٹ کیپر)، شائی ہوپ، عثمان خان، افتخار احمد، کامران غلام، مائیکل بریسویل، ڈیوڈ ولی، کرس جورڈن، اسامہ میر، عبید شاہ اور محمد حسنین پر مشتمل ہے۔
