وزیراعلیٰ خیبرپختونخوا علی امین گنڈاپور نے کہا ہے کہ اس ملک میں آئین توڑ کر مارشل لا لگائے گئے۔ اسلام کے نام پر بننے والا ملک خودمختار نہیں رہا۔
یہ بھی پڑھیں:بیرسٹر سیف کا مریم نواز کو علی امین گنڈاپور کی نقل کرنے کا مشورہ
وہ لاہورہائیکورٹ بار سے خطاب کر رہے تھے، ان کا کہنا تھا کہ پاکستان بنانے کے لیے سیاسی تحریک چلائی گئی، پاکستان پر حکومتیں مسلط کی گئیں جس سے ملک تباہ ہوا۔
اگر تم چاہتے ہو کہ جنگ ہو تو تمہیں ٹیکس کا پیسہ اِس لئے دیا جاتا ہے کہ تم سرحدوں پر جنگ کرو، اپنے لوگوں کےخلاف نہیں، حق، سچ اور امر بالعروف کی بات آئی تو قوم کا ہر بندہ باہر نکلے گا اور فیصلہ کرے گا کہ میں اپنے بچوں کو غلام پاکستان میں نہیں رہنے دوں گا، علی امین گنڈا پور pic.twitter.com/SzS6prleup
— PTI (@PTIofficial) April 17, 2025
علی امین گنڈا پور کا کہنا تھا کہ عمران خان کہتا ہے کہ پاکستان کے لیے مَیں مذاکرات کرنے کے لیے تیار ہوں۔ اپنی ذات کے لیے نہیں، پاکستان کے لیے۔
انہوں نے کہا کہ عمران خان مقصد کردی نہیں ہے۔ ان کا مقصد وزیراعظم بننا نہیں ہے۔ ان کا مقصد ایک خوددار، خود مختار اور آزاد قوم بنانا ہے۔
یہ بھی پڑھیں:ریاست نے ایک پارٹی کو ختم کرنے پر فوکس کیا تو ان کا اپنا کام رہ گیا اور دہشتگردی شروع ہوگئی، علی امین گنڈا پور
وزیراعلیٰ خیبرپختونخوا علی نے اپنے خطاب میں کہا کہ آج پاکستان قرض میں ڈوب چکا ہے۔ اپنے لوگوں کو لانے اور مسلط کرنے کے لیے تجربے کیے گئے۔ یہ ایسے لوگوں کو لاتے ہیں جو ان کے بوٹ پالش کرتے ہیں۔
ان کا کہنا تھا کہ اپنے لوگوں کےخلاف نہیں، حق، سچ اور امر بالعروف کی بات آئی تو قوم کا ہر بندہ باہر نکلے گا اور فیصلہ کرے گا کہ میں اپنے بچوں کو غلام پاکستان میں نہیں رہنے دوں گا۔
خبر اپ ڈیٹ کی جا رہی ہے۔
