نگران وزیراعلیٰ پنجاب محسن نقوی نے افسوس ظاہر کیا ہے کہ پولیس کی ٹیم چوہدری پرویز الٰہی کو گرفتار کرنے گئی تھی لیکن اس نے چودھری شجاعت کے گھر پر دھاوا بول دیا۔
سابق وزیر اعظم چوہدری شجاعت حسین کے صاحبزادے چوہدری سالک حسین نے سماجی رابطے کی ویب سائٹ ٹویٹر پرایک ویڈیو شیئر کی ہے جس میں انہوں نے لکھا ہے کہ ’ پرویز الٰہی صاحب کی سالی جو میری پھپھو ہیں، نے پولیس کو بتایا کہ پرویز الٰہی صاحب ہمارے گھر موجود ہیں اور کہا وہ اندر ہی ہیں، توڑو دروازہ۔ پولیس نے جو کیا سو کیا لیکن اپنوں نے بھی کم نہیں کیا۔‘
نگران وزیراعلیٰ پنجاب محسن نقوی نے چوہدری سالک حسین کے ٹویٹ کے جواب میں کہا کہ ’کسی کو غیر قانونی کام کی اجازت نہیں دی جائے گی، میں مدینہ میں ہوں اور تمام تفصیلات حاصل کر رہا ہوں، یہ جان کر افسوس ہوا کہ ٹیم چوہدری پرویز الٰہی کو گرفتار کرنے گئی لیکن اس نے چوہدری شجاعت کے گھر پر دھاوا بول دیا جس میں چودھری سالک حسین بھی زخمی ہو گئے۔‘
No Illegal action will be allowed by anyone ,
I am in Medina and getting all the details. Appalled to know that team went to arrest Ch Pervaiz Elahi but stormed Ch Shaujaat’s House in which Ch Salik Hussain got injured. Law should take it’s course https://t.co/tT0km3KQ7j— Mohsin Naqvi (@MohsinnaqviC42) April 30, 2023
محسن نقوی کا کہنا ہے کہ اس واقعے پر قانون کو اپنا راستہ اختیار کرنا چاہیے۔‘
یہ بھی پڑھیں :آصف زردای کی ہدایت پرپرویز الہی نشانہ ہے، شیخ رشید