عوامی مسلم لیگ کے سربراہ و سابق وزیر داخلہ شیخ رشید نے کہا ہے کہ ’سیاست دشمنی کا رنگ اختیار کرچکی ہے جس کے نتائج سنگین نکلیں گے، مذاکرات سپریم کورٹ کو دھوکہ دینے کاایک بہانہ ہیں اور ڈنگ ٹپاؤ پالیسی ہے، 10مئی تک آر ہو جائے گا یا پار۔‘
مائیکرو بلاگنگ ویب سائٹ ٹوئٹر پر اپنے پیغام میں عوامی مسلم لیگ کے سربراہ و سابق وزیر داخلہ شیخ رشید نے کہا کہ ’حکومت کا اگلا نشانہ ہماری ملکیتی 4 مرلے کی لال حویلی ہے لیکن اُس کے نتائج کے لیے بھی تیار رہیں، ہائی کورٹ میں کیس جیت چکے ہیں۔ اکیلا آدمی رہتا ہوں اگر مارا گیا تو 8 آدمیوں کے نام متعلقہ اداروں کو لکھ کر درخواست وصول کرا چکا ہوں۔ انہوں نے کہا کہ سیاست دشمنی کا رنگ اختیار کرچکی ہے جس کے نتائج سنگین نکلیں گے۔‘
گھرکابھیدی خاقان عباسی آٹےکی چوری پر20ارب روپےکاحکومت پرالزام لگارہاہےآٹےکی لائنوں میں20آدمی مرگئےبقول خاقان عباسی کےحکومت کی20ارب کی دیہاڑی لگ گئی پرویزالہی کےگھرجوکچھ ہواوہ نگران وزیراعلی کاکیادھراہےسعودی عرب جاناایک بہانہ ہےاصل میں آصف زردای کی ہدایت پرپرویزالہی نشانہ ہے
— Sheikh Rashid Ahmed (@ShkhRasheed) April 30, 2023
اپنے ایک اور ٹوئیٹ میں شیخ رشید احمد نے کہا کہ ’10مئی تک کٹی کٹا نکل آئے گا۔ آرہو جائے گا یا پار ہو جائے گا۔ جب دروازے بکتربند گاڑیوں سے توڑیں گے تو ووٹ بھی تندورمیں پڑیں گے۔ مذاکرات سپریم کورٹ کو دھوکہ دینے کا ایک بہانہ ہیں اور ڈنگ ٹپاؤ پالیسی ہے۔ 10 مئی کو IMF کی ایگزیکٹو بورڈ کی میٹنگ میں پاکستان ایجنڈے میں نہیں حکمران ریلیف میں اورعوام تکلیف میں ہیں۔‘
انہوں نے کہا کہ ’گھر کے بھیدی شاہد خاقان عباسی آٹے کی چوری پر 20 ارب روپے کا حکومت پر الزام لگا رہے ہیں، آٹے کی لائنوں میں20 آدمی مر گئے۔ بقول شاہد خاقان عباسی حکومت کی 20 ارب کی دیہاڑی لگ گئی۔ انہوں نے کہا کہ پرویزالہی کے گھر جو کچھ ہوا وہ نگران وزیراعلیٰ کا کیا دھرا ہے۔ سعودی عرب جانا ایک بہانہ ہے اصل میں آصف زردای کی ہدایت پرپرویز الہی نشانہ ہے۔‘
