پہلگام حملے میں انٹیلی جنس ناکامی پر بھارتی عوام اور حکومتی اہلکار سیخ پا خاصے برہم ہیں۔
اس حوالے سے بھارتی صحافی راہول پنڈیتا کا کہنا ہے کہ پہلگام حملہ میں کہیں نہ کہیں بھارتی فوج کی انٹیلیجنس ناکامی موجود ہے۔
یہ بھی پڑھیں:’پاکستان ہمیشہ زندہ باد‘، جنرل عاصم منیر کا دیا نعرہ ہر زبان کی زینت بن گیا
اس حوالے سے سابق حکومتی اہلکار رادھا کمار نے انکشاف کیا ہے کہ سی آر پی ایف کی پوسٹ کو الرٹ جاری ہونے کے باوجود ہٹا دیا گیا تھا۔
ان کا کہنا ہے کہ ایک کوتاہی کے بعد مزید کوتاہیاں برتی گئیں، جیسے پلوامہ میں ہوا تھا۔
بھارتی فوج کرنل ریٹائرڈ اجے شکلا نے بھی اپنی فوج کو آڑے ہاتھوں لیا ہے، ان کا کہنا ہے کہ دہشتگردی کو ختم کرنے کے جھوٹے بیانیے نے بیشتر لوگوں کی جانیں لے لیں۔
اس حوالے سے جنرل ریٹائرڈ وی پی ملک کا کہنا ہے کہ میرا سوال یہ ہے کہ بھارتی انٹیلی جنس کو کیا ہو ا اور ناکامی کیوں ہو ئی۔
یہ بھی پڑھیں:امن کی خواہش کو کمزوری نہ سمجھا جائے، وزیراعظم
جب کہ ایک بھارتی شہری نے مودی حکومت کے وزیر داخلہ پر کڑی تنقید کرتے ہوئے کہا کہ بھارتی وزیر داخلہ کا شمار اُن لوگوں میں ہوتا ہے جو سب سے زیادہ غیر ذمہ دار ہیں۔
