قومی ٹیم کے سابق کپتان شاہد آفریدی نے دبئی میں اپنی ریسٹورنٹ چین ’لالہ دربار‘ کا افتتاح کردیا۔
یہ بھی پڑھیں: ’آؤ تمہیں چائے پلاتا ہوں شیکھر‘، شاہد آفریدی نے شیکھر دھون کو مزید کیا کہا؟
گلف نیوز کی رپورٹ کے مطابق دنیا بھر میں اپنی جارح مزاج بیٹنگ سے مشہور پاکستان کے سابق کپتان و آل راؤنڈر شاہد آفریدی نے دبئی میں ریسٹورٹ چین کا افتتاح کیا جس کا نام ’لالہ دربار‘ رکھا گیا ہے۔
یہ ریسٹورنٹ دبئی میں پاکستانی کھانوں کا ایک منفرد ذائقہ پیش کرے گا۔ افتتاحی تقریب میں شاہد آفریدی نے شرکت اور مداحوں سے ملاقات کی۔
مزید پڑھیے: شاہد آفریدی پاک فوج کی وردی پہنے واہگہ بارڈر پہنچ گئے، ویڈیو وائرل
اس موقعے پر گفتگو کرتے ہوئے شاہد آفریدی نے کہا کہ یہ منصوبہ میرے دل کے بہت قریب ہے، میں چاہتا ہوں کہ دنیا بھر میں پاکستانی کھانوں کی ثقافت کو فروغ ملے۔
انہوں نے کاہ کہ ’لالہ دربار‘ صرف ایک ریسٹورنٹ نہیں بلکہ گھر جیسا ماحول فراہم کرے گا۔
شاہد آفریدی نے کہا کہ ان کی فوڈ چین کا دائرہ کار مزید ملکوں تک بڑھایا جائے گا جن میں برطانیہ امریکا اور کینیڈا بھی شامل ہوسکتے ہیں۔
مزید پڑھیں: پہلگام حملہ: شاہد آفریدی نے بھارتی فوج کو نالائق اور نکما قرار دیدیا
شاہد آفریدی کے کھانے کے ہوٹل میں لذیذ بریانی سے لے کر سیخ کباب تک ڈشز کی وسیع ورائٹی مہیا ہوگی۔
ریسٹورٹ کی تھیم کرکٹ پر مبنی ہے اور وہاں سابق کرکٹر کی یادگار اننگز کی تصاویر بھی آویزاں ہیں۔
