سعودی عرب میں خوفناک ٹریفک حادثے میں 6 سگے بھائیوں سمیت 7 افراد ہلاک ہو گئے ہیں۔
عرب میڈیا کے مطابق سعودی عرب کے شہر طائف کو الباحہ سے ملانے والی شاہراہ پر دو گاڑیاں آپس میں ٹکرا گئیں جس کے نتیجے میں 6 سگے بھائی جاں بحق ہوگئے۔
جاں بحق ہونے والے بھائیوں میں سب سے بڑے کی عمر 17 سال اور سب سے چھوٹے کی ڈھائی سال بتائی جاتی ہے۔
ان کی شناخت ریم، سالم، محمد ، سعود، یحییٰ اور حمدان کے ناموں سے کی گئی ہے۔
حادثے میں جاں بحق ہونے والے بھائیوں کے والدین اور 3 بہن بھائیوں کو تشویشناک حالت میں انتہائی نگہداشت کے یونٹ میں منتقل کیا گیا ہے۔
حادثے میں ایک چار سالہ بچی معجزانہ طورپر مکمل طورپر محفوظ رہی۔ جاں بحق ہونے والے 6 بھائیوں کو طائف میں سپرد خاک کردیا گیا۔
دوسری گاڑی کا ڈرائیور جس کی عمر 60 ہے، بھی حادثے میں جاں بحق ہوا ہے۔
