جنوبی افریقہ کے خلاف ورلڈ ٹیسٹ چیمپیئن شپ فائنل کے لیے آسٹریلیا کے اسکواڈ کا اعلان ہوگیا ہے جس میں اہم کھلاڑیوں کی واپسی ہوئی ہے۔
میڈیا رپورٹس کے مطابق پیٹ کمینس، جوش ہیزل ووڈ اور کیمرون گرین کو ٹیم کا حصہ بنایا گیا ہے جو مختلف وجوہات کی بنا پر گزشتہ کچھ عرصے سے ٹیسٹ کرکٹ کا حصہ نہیں تھے۔
یاد رہے کہ کمینسن اور ہیزل ووڈ انجری کی وجہ سے سری لنکا کے خلاف حالیہ ٹیسٹ سیریز کا حصہ نہ بن پائے جبکہ کیمرون گرین کمر کی سرجری کی وجہ سے گزشتہ ایک سال سے ٹیسٹ میچز سے باہر تھے۔
یہ بھی پڑھیے: انگلینڈ ٹیسٹ اور جنوبی افریقہ ٹور میں قومی کھلاڑیوں پر کتنا جرمانہ ہوا؟
اس کے علاوہ ٹیم میں مچل اسٹارک، اسکوٹ بولینڈ، نتھان لیون، میٹ کہنیمن، سیم کونسٹس، بیو ویبسٹر، عثمان خواجہ، مارنس لیبوشینے، اسٹیو سمتھ، ٹریویس ہیڈ اور جوش انگلیس کو شامل کیا گیا ہے۔
جنوبی افریقہ کے خلاف یہ فائنل اگلے مہینے برطانیہ کے لارڈز میں کھیلا جائے گا۔
