پاکستان کرکٹ بورڈ (پی سی بی) نے سابق نیوزی لینڈ کرکٹر اور عالمی شہرت یافتہ کوچ مائیک ہیسن کو پاکستان کی قومی کرکٹ ٹیم کا نیا وائٹ بال ہیڈ کوچ مقرر کردیا اور وہ 26 مئی سے اپنی ذمہ داریاں سنبھالیں گے۔
پی سی بی کے چیئرمین محسن نقوی نے سوشل میڈیا پلیٹ فارم ایکس پر اپنے پیغام میں لکھا کہ اس عہدے کے لیے موصول ہونے والی درجنوں درخواستوں کی جانچ پڑتال کے بعد مائیک ہیسن کا تقرر کیا گیا ہے۔ کرکٹ بورڈ کو یقین ہے کہ مائیک ہیسن اپنی بین الاقوامی کوچنگ مہارت اور وسیع تجربے کی بنیاد پر پاکستان کی وائٹ بال کرکٹ کو نئی سمت فراہم کریں گے۔
After evaluation of numerous applications received against the vacancy, I'm pleased to announce that former New Zealand cricketer and renowned coach, Mike Hesson, will join us as the new Whiteball Head Coach for the Pakistan National Team, effective May 26th. We look forward to…
— Mohsin Naqvi (@MohsinnaqviC42) May 13, 2025
چیئرمین پی سی بی نے بیان میں کہا کہ ہم مائیک ہیسن کو پاکستانی ٹیم میں خوش آمدید کہتے ہیں اور امید رکھتے ہیں کہ ان کی قیادت اور رہنمائی ہماری ٹیم کی کارکردگی کو بلند ترین سطح تک لے جائے گی۔
یاد رہے کہ مائیک ہیسن ماضی میں نیوزی لینڈ کرکٹ ٹیم اور کینیا کے ہیڈ کوچ رہ چکے ہیں اور انہیں محدود اوورز کی کرکٹ میں ٹیموں کی حکمت عملی سازی اور نوجوان ٹیلنٹ کی تربیت کا وسیع تجربہ حاصل ہے۔ اس کے علاوہ وہ اس وقت اسلام آباد یونائیٹڈ کے ہیڈ کوچ کے طور پر بھی اپنی ذمہ داریاں انجام دے رہے ہیں۔
🚨 Welcoming Mike Hesson as Pakistan's white-ball head coach 🇵🇰
Read more ➡️ https://t.co/zBQQc1rt4f pic.twitter.com/XdlfnUjuvo
— Pakistan Cricket (@TheRealPCB) May 13, 2025
واضح رہے کہ پاکستان کرکٹ ٹیم کے سابق آل راؤنڈر اظہر محمود بھی ہیڈ کوچ کی پوسٹ کے خواہشمند تھے۔ ان کا انٹرویو میں کہنا ہے کہ وہ امید رکھتے ہیں کہ ان کے تجربے اور مہارت کو مدنظر رکھتے ہوئے انہیں یہ ذمہ داری سونپی جائے گی۔
