قومی اسمبلی نے سینٹرل سپیریئر سروسز (سی ایس ایس) کے امتحان کے لیے امیدواروں کی عمر کی حد میں اضافہ کے لیے قرار داد کثرت رائے سے منظور کرلی ہے۔
یہ بھی پڑھیں: سی ایس ایس 2023 کے نتائج کا اعلان، پاس طلبا کا تناسب 2.96 فیصد رہا
رکن قومی اسمبلی نوشین افتخار نے قومی اسمبلی کے اجلاس میں قرارداد پیش کی، جس میں مطالبہ کیا گیا تھا کہ سی ایس ایس کے امتحان کے لیے اہل امیدواروں کی عمر کی حد میں اضافہ کیا جائے۔
محترمہ سیدہ نوشین افتخار صاحبہ نے اسمبلی میں سی ایس ایس کی بالائی عمر کی حد میں اضافے کی قرارداد پیش کی۔
الحمداللہ اسمبلی میں قرارداد بھاری اکثریت سے منظور۔#TeamSNI pic.twitter.com/nGCQkJrF12— Syeda Nosheen Iftikhar(Shah BB) (@SyedaNosheenPK) May 16, 2025
قرارداد میں کہا گیا تھا کہ سی ایس ایس امتحان کے امیدواروں کی عمر کی حد بڑھا کر 35 سال کردی جائے، اور امیدواروں کو 5 امتحانات کے مواقع دیے جائیں۔
قومی اسمبلی میں مذکورہ قرارداد کثرت رائے سے منظور کرلی گئی ہے۔
یاد رہے کہ یہ قرارداد اس وقت منظور کی گئی ہے جب فیڈرل پبلک سروس کمیشن (FPSC) کی طرف سے سی ایس ایس 2024 کے تحریری امتحان کے نتائج کا اعلان کیا گیا ہے۔
یہ بھی پڑھیں: سی ایس ایس کے امتحان کے نتائج کا اعلان، سوشل میڈیا پر طلبا کو مبارک باد اور میمز کا سلسلہ جاری
سی ایس ایس 2024 کے تحریری امتحان کے نتائج کے مطابق 23 ہزار 100 درخواست دہندگان میں سے صرف 15 ہزار 602 امیدوار تحریری امتحان میں شریک ہوئے، جن میں سے صرف 395 امیدوار پاس ہوئے، یہ کامیابی کی شرح صرف 2.53 فیصد ہے، جو پاکستان میں سرکاری ملازمین کو درپیش دباؤ اور محدود مواقع کی نشاندہی کرتی ہے۔
