نائب وزیراعظم و وزیرخارجہ سینیٹر اسحاق ڈار آج 3 روزہ دورے پر بیجنگ پہنچ گئےہیں جہاں ایئرپورٹ پر سینیئر چینی حکام اور چین میں پاکستان کے سفیر خلیل ہاشمی نے اُن کا استقبال کیا۔
یہ بھی پڑھیں: غزہ میں 15 ماہ بعد جنگ بندی امید کی کرن ہے، اسحاق ڈار
بیجنگ میں نائب وزیر اعظم و وزیر خارجہ چین کے وزیر خارجہ وانگ یی کے ساتھ ساتھ چینی کمیونسٹ پارٹی کے اہم ارکان سمیت دیگر سینیئر رہنماؤں سے جامع بات چیت کریں گے، ان ملاقاتوں میں موجودہ علاقائی پیش رفت اور پاک چین تعلقات کی متعدد جہتوں پر توجہ مرکوز کی جائے گی۔
Deputy Prime Minister/Foreign Minister, Senator Mohammad Ishaq Dar @MIshaqDar50 departed for Beijing today on a three-day visit.
In Beijing, the Deputy Prime Minister/Foreign Minister would hold comprehensive discussions with China's Foreign Minister, Wang Yi, as well as other… pic.twitter.com/bWB7mSUo7w
— Ministry of Foreign Affairs – Pakistan (@ForeignOfficePk) May 19, 2025
دفتر خارجہ کے اعلامیے کے مطابق وزیر خارجہ اسحاق ڈار کا یہ دورہ پاکستان اور چین کے درمیان اعلیٰ سطح کے تبادلوں اور دونوں برادر ممالک کے درمیان آل ویدر اسٹریٹجک تعاون پر مبنی شراکت داری کا ایک حصہ ہے۔
مزید پڑھیں: کیا پاکستان اور افغانستان کے درمیان معاملات بہتری کی طرف گامزن ہیں؟
دوسری جانب افغانستان کے عبوری وزیر خارجہ امیر خان متقی 20 مئی کو بیجنگ پہنچیں گے، جہاں پاکستان، چین اور افغانستان کے وزرائے خارجہ سہ فریقی مذاکرات کریں گے۔
میڈیا رپورٹس کے مطابق ملاقات میں تینوں ممالک باہمی تجارت کے فروغ، سیکیورٹی تعاون اور دیگر امور پر تبادلہ خیال کریں گے، ملاقات میں پاک بھارت کشیدگی کے بعد خطے کی صورتِ حال پر بھی تبادلہ خیال کیا جائے گا۔
یہ بھی پڑھیے: پاکستان کے جواب کے بعد چین کا دو ٹوک مؤقف، بھارت کو سفارتی محاذ پر بڑا دھچکا
اسحاق ڈار نے روانگی سے قبل رپورٹر سے گفتگو کرتے ہوئے کہا کہ وہ چینی ہم منصب کی دعوت پر چین جارہے ہیں جس میں خطے کی صورتحال، عالمی سیاسی منظرنامہ اور دو طرفہ تعلقات پر بات چیت ہوگی۔
ان کا کہنا تھا کہ بھارت کے الزامات بے نقاب ہوچکے ہیں، 3 ہفتے میں عالمی سفارتی حلقے میں میرے 60 سے زیادہ رابطے ہوئے، چین سمیت پوری دنیا کو معلوم ہوچکا ہے کہ ایف 16 کے اڑنے سے لے کر 7 مئی کی رات کو 15 فوجی تنصیبات پر حملے تک کے الزامات درست نہیں تھے۔
