ایرانی باشندے نے اپنے جسم پر 96 چمچوں کو متوازن کر کے تیسری بار گنیز ورلڈ ریکارڈ توڑ دیا۔
یہ بھی پڑھیں:وہ کون سا شہر ہے جہاں اونچی ہیل پہننے کے لیے پرمٹ لینا پڑتا ہے؟
2021 میں 54 سالہ ایرانی باشندے ابوالفضل صابر مختاری نے بنا کسی چیز کی مدد کے جسم پر 85 چمچوں کو بیلنس کرنے کا ریکارڈ قائم کیا تھا، اور پھر 2 برس بعد ہی 2023 میں 88 چمچوں کے ساتھ اپنا ہی ریکارڈ توڑ دیا تھا۔
تاہم اب مختاری نے مزید 2 برس بعد جسم پر کُل 96 چمچوں کو بیلنس کرنے کے ساتھ ایک بار پھر اپنا ہی ریکارڈ توڑا دیا ہے۔
3 بار ریکارڈ توڑنے والے ابوالفضل صابر مختاری نے کہا کہ وہ بچپن ہی ہی اپنی جلد پر چیزیں چپکا رہا ہے۔
ان کا کہنا ہے کہ کئی برس کی مشق اور کوشش کے بعد میں اپنے ٹیلنٹ کو اس مقام تک پہنچانے میں کامیاب ہوا ہوں۔
یہ بھی پڑھیں:سعودی عرب اے آئی ڈاکٹر کلینک کھولنے والا دنیا کا پہلا ملک بن گیا
ابوالفضل صابر مختاری نے گنیز ورلڈ ریکارڈ کو بتایا کہ کوئی بھی چیز، میرا مطلب ہے، کوئی بھی چیز۔ کوئی بھی چیز جس کی سطح ہو میں اپنے جسم سے چپکا سکتا ہوں، جیسے پلاسٹک، شیشہ، پھل، پتھر، لکڑی اور یہاں تک کہ ایک مکمل بالغ انسان کو بھی۔
