وزیراعظم شہباز شریف سرکاری دورے پر استنبول پہنچ گئے ہیں۔
یہ بھی پڑھیں: وزیراعظم شہباز شریف بیرونی دورے کے پہلے مرحلے میں ترکیہ روانہ
اتوار کے روز وزیراعظم شہباز شریف وفاقی وزرا کے ہمراہ استنبول پہنچے، ترکیے کے وزیر دفاع یشار گلر، گورنر استنبول ، پاکستان ترکیہ کلچرل ایسوسی ایشن کے صدر برہان قایاترک، پاکستان کے ترکیہ میں سفیر یوسف جنید، کونسل جنرل استنبول نعمان اسلم، حکومت ترکیہ کے اعلی حکام اور ترکیہ میں تعینات پاکستانی سفارتکاروں نے ان کا استقبال کیا.
نائب وزیراعظم و وزیر خارجہ اسحاق ڈار، وفاقی وزیر اطلاعات و نشریات عطا اللہ تارڑ اور معاون خصوصی طارق فاطمی بھی وزیراعظم کے ہمراہ استنبول پہنچے ہیں۔
وزیراعظم شہباز شریف ترکیے میں صدر رجب طیب اردوان سے ملاقات کریں گے،دونوں راہنما ترکیہ اور پاکستان کے درمیان دفاع، معیشت، سیاحت اور ثقافت سمیت مختلف شعبوں میں تعاون کو مزید وسعت دینے پر بھی بات چیت کریں گے۔
وزیراعظم شہباز شریف کا دو روزہ دورہ ترکیہ وزیراعظم محمد شہباز شریف ترکیہ کے دو روزہ دورے پر استنبول پہنچ گئے.
وزیر خارجہ محمد اسحاق ڈار، وزیر اطلاعات ونشریات عطا واللہ تارڑ اور معان خصوصی طارق فاطمی بھی وزیر اعظم کے ہمراہ ہیں. pic.twitter.com/TB5ncPTgu7— Exact Press International (@ExactPressIntl) May 25, 2025
یاد رہے کہ وزیراعظم کا یہ دورہ 25 مئی سے 30 مئی 2025 تک جاری رہے گا، جس کے دوران وہ ترکیہ، ایران، آذربائیجان اور تاجکستان کا دورہ کریں گے۔ دورے کا مقصد ان ممالک کے ساتھ دوطرفہ تعلقات کو مزید مضبوط بنانا اور خطے میں تعاون کو فروغ دینا ہے۔
یہ بھی پڑھیں: وزیراعظم شہباز شریف 25 مئی سے ترکیہ، ایران، آذربائیجان اور تاجکستان کا دورہ کریں گے
دورے کے دوران وزیراعظم متعلقہ ممالک کی اعلیٰ قیادت سے ملاقاتیں کریں گے، جن میں دو طرفہ تعلقات، علاقائی اور بین الاقوامی اہمیت کے امور زیرِ بحث آئیں گے۔ وزیراعظم حالیہ بھارت-پاکستان کشیدگی کے دوران ان ممالک کی جانب سے پاکستان کے ساتھ اظہارِ یکجہتی اور حمایت پر ان کا شکریہ بھی ادا کریں گے۔
وزیراعظم محمد شہباز شریف 29 اور 30 مئی کو تاجکستان کے دارالحکومت دوشنبے میں منعقد ہونے والی بین الاقوامی گلیشیئرز کانفرنس میں بھی شرکت کریں گے۔
